अभिनेत्री आणि माजी खासदार जयाप्रदा कुठे आहेत? कोर्टाने घोषित केले फरार
बॉलिवूडमधील अभिनेत्री आणि माजी खासदार जयाप्रदा यांना उत्तर प्रदेशातील रामपुर कोर्टाने फरार घोषित केले आहे. नक्की काय आहे प्रकरण जाणून घेऊया...
वर्ष 2019 मध्ये लोकसभा निवडणुकीदरम्यान रामपुर जागेवरुन भाजपच्या उमेदवार राहिलेल्या जयाप्रदा यांच्यावर आचार संहितेचा उल्लंघन केल्याचा गुन्हा दाखल करण्यात आला होता.
जयाप्रदा यांच्या विरोधात सात वेळा अजामीनपात्र वॉरंट जारी करण्यात आले आहे. तरीही जयाप्रदा कोर्टात हजर न झाल्याने त्यांना फरार घोषित केले आहे.
एमपी एमएलए कोर्टाने पोलिसांना 6 मार्चपर्यंत जयाप्रदांना हजर करा असे आदेश दिले आहेत. यासाठी पोलीस उपअधीक्षकांच्या नेतृत्वाखील टीम तयार करण्यास सांगितले आहे.
जयाप्रदा यांना शोधण्याची जबाबदारी पोलिसांकडे देण्यात आली आहे. यामुळे कोर्टासमोर हजर करण्यासाठी पोलिसांकडून जयाप्रदा यांचा शोध घेण्यास सुरुवात झाली आहे.