अल्लू अर्जुनचा चित्रपट ‘पुष्पा २’चा धुमाकुळ बॉक्स ऑफिसवर कमी होत नाहीये. चित्रपटाची कमाई दिवसेंदिवस झपाट्याने वाढत आहे. चित्रपटाच्या १३ व्या दिवसाच्या कलेक्शनचे आकडे समोर आले आहेत.
पुष्पा २ ने रिलीजच्या १३व्या दिवशी २४.२५ कोटींची कमाई केली आहे. त्याच वेळी, चित्रपटाने हिंदीमध्ये १८.५ कोटी रुपयांची कमाई केली आहे.
अल्लू अर्जुनच्या 'पुष्पा २' चित्रपटाने भारतीय बॉक्स ऑफिसवर आतापर्यंत ९५३.३ कोटी रुपयांचा व्यवसाय केला आहे.
'पुष्पा 2'ने १३ दिवसांत तेलगूमध्ये २९०.९ कोटी , हिंदीमध्ये ५९१.१ कोटी, तमिळमध्ये ५०.६५ कोटी रुपये, कन्नडमध्ये ६.८७ कोटी रुपये आणि मल्याळममध्ये १३.७८ कोटी रुपयांचा व्यवसाय केला आहे.
'पुष्पा २' 'बाहुबली २'चा रेकॉर्ड तोडण्यापासून इंचभर दूर आहे. बाहुबली २ ने भारतात १०३१ कोटींची कमाई केली होती.
'पुष्पा २'ने ५ सर्वाधिक कमाई करणाऱ्या चित्रपटांना म्हणजे KGF 2, RRR, कल्की, जवान व स्त्री 2 यांना कमाईच्या बाबतीत मागे टाकले आहे. चला जाणून घेऊया या चित्रपटांनी किती कमाई केली
२०२२ मध्ये प्रदर्शित झालेल्या साऊथ स्टार यशचा KGF 2 या चित्रपटाने बॉक्स ऑफिसवर ८५९.७ कोटी रुपयांची कमाई केली होती.
२०२२ मध्ये राम चरण आणि जूनियर एनटीआरच्या आरआरआर चित्रपटाने ७८२.२ कोटी रुपयांची कमाई केली होती.
२०२४ मध्ये प्रदर्शित झालेल्या प्रभास-दीपिका पदुकोणच्या ‘कल्की 2898 एडी’ या चित्रपटाने बॉक्स ऑफिसवर ६४६.३१ कोटी रुपयांचा व्यवसाय केला होता.
२०२३ मध्ये प्रदर्शित झालेल्या शाहरुख खान-नयनताराच्या 'जवान' या चित्रपटाने खळबळ उडवून दिली होती. या चित्रपटाने बॉक्स ऑफिसवर ६४०.५० कोटींची कमाई केली.
२०२४ मध्ये श्रद्धा कपूर-राजकुमार यांच्या स्त्री २ चित्रपटाने बॉक्स ऑफिसवर धुमाकूळ घातला होता. चित्रपटाने ५९७.९९ कोटींची कमाई केली.