Entertainment
यंदा कर्तव्य आहे!सुपरस्टार प्रभास अडकणार विवाहबंधनात?
साऊथ सिनेसृष्टीतील सुपरस्टार प्रभासशी संबंधित धमाकेदार बातमी समोर आली आहे. रिपोर्ट्सनुसार प्रभास लवकरच लग्नबंधनात अडकणार असल्याचे म्हटलं जात आहे.
बॉलिवूडलाइफच्या रिपोर्टनुसार, प्रभासच्या काकीने त्याच्या लग्नाशी संबंधित माहिती शेअर केली. काकीने सांगितलं की, प्रभासचं लग्न लवकरच होणार असून देवीमातेचा त्याच्यावर आशीर्वाद आहे.
प्रभासची काकी शामला देवी यांनी दिलेल्या माहितीनुसार, प्रभास जेव्हा लग्नगाठ बांधेल त्यावेळेस संपूर्ण मीडियाला आमंत्रण दिले जाईल.
शामला देवी या प्रभासचे काका कृष्णम राजू यांच्या पत्नी आहेत. कृष्णम राजू यांनी कित्येक गाजलेल्या सिनेमांमध्ये काम केले आहे. दुर्दैवाने आज ते या जगात नाहीत.
शामला देवी यांनी विजयवाडा कनक दुर्गा मंदिराचे दर्शन घेतले. यावेळेसच त्यांनी प्रभासच्या लग्नासंदर्भात बातचीत केली. पण प्रभासच्या होणाऱ्या पत्नीबद्दल काहीही सांगितले नाही.
वर्ष 2017 नंतर प्रभासचा एकही सिनेमा बॉक्सऑफिसवर चांगली कमाई करू शकला नाही. साहो, राधे श्याम आणि आदिपुरुष हे सिनेमे बॉक्सऑफिस चांगलेच आपटले.
प्रशांत नील दिग्दर्शित 'सालार' सिनेमाकडून प्रभासला फार अपेक्षा आहेत. 22 डिसेंबर रोजी हा सिनेमा बॉक्सऑफिसवर झळकणार आहे. सिनेमामध्ये अभिनेत्री श्रुती हासनचीही मुख्य भूमिका आहे.
प्रभासचा 'सालार' आणि शाहरुख खानच्या 'डंकी' सिनेमाची बॉक्सऑफिसवर टक्कर होताना दिसणार आहे.