Ramayana 2024 : रणबीर कपूर 'राम' तर हा अभिनेता साकारणार हनुमानाची भूमिका
बॉलिवूड अभिनेता रणबीर कपूर दिग्दर्शक नितेश तिवारी यांच्या 'रामायण' सिनेमात मुख्य भूमिकेत दिसणार आहे. रणबीर या सिनेमात भगवान रामाची भूमिका साकारणार आहे.
नितेश तिवारी यांच्या सिनेमाबाबत अधिकृतरित्या अद्याप कोणतीही घोषणा करण्यात आलेली नाही. पण सोशल मीडियावर याबाबत चर्चा सुरू आहेत.
रिपोर्ट्सनुसार, सनी देओल सिनेमामध्ये हनुमानाच्या भूमिकेत दिसण्याची शक्यता वर्तवली जात आहे.
सूत्रांच्या माहितीनुसार, 'हनुमान हे शक्तीचे प्रतीक आहेत आणि त्यामुळेच या भूमिकेसाठी सनी देओलपेक्षा अन्य कोणताही पर्याय उत्तम ठरणार नाही'.
सूत्रांच्या माहितीनुसार, सनी देओलने सिनेमामध्ये काम करण्याची इच्छ व्यक्त केली आहे आणि भगवान हनुमानाची भूमिका साकारण्यासाठी तो बराच उत्सुक असल्याचंही म्हटलं जात आहे.
सिनेमाबाबत अद्याप केवळ चर्चा सुरू आहेत. यानुसार सिनेमाच्या चित्रिकरणाची सुरुवात वर्ष 2024मध्ये होणार असल्याचे बोलले जात आहे.
सिनेमामध्ये सीतेच्या भूमिकेत दाक्षिणात्य सिनेमांमधील प्रसिद्ध अभिनेत्री साई पल्लवी दिसणार असल्याची माहिती आहे.