राम मंदिराच्या उद्घाटनासाठी प्रभासने 50 कोटी रूपयांची केलीय मदत?
जगभरात राम मंदिराच्या प्राणप्रतिष्ठेच्या सोहळ्याची धूम पाहायला मिळत आहे. येत्या 22 जानेवारीला असणाऱ्या सोहळ्यानिमित्त अमेरिकेत खास कार्यक्रमांचे आयोजन करण्यात आले आहे.
राम मंदिराच्या बांधकामासाठी देशातील जनतेकडून दान करण्यात आले आहे. यामध्ये सर्वसामान्य व्यक्ती ते देशातील काही प्रतिष्ठित व्यक्तींचा समावेश आहे.
काही रिपोर्ट्समध्ये दावा करण्यात आलाय की, राम मंदिराच्या उद्घटनाआधी अभिनेता प्रभासने 50 कोटी रूपये दान केले आहेत.
आंध्र प्रदेशचे आमदार चिरला जग्गीरेडी यांनी दावा केलाय की, प्रभास राम मंदिराच्या प्राणप्रतिष्ठेवेळी भोजनाचा खर्च उचलणार आहे.
रिपोर्ट्सनुसार, प्रभासच्या टीमने अभिनेत्याने देणगी दिल्याच्या बातम्यांचे खंडण केले आहे. अभिनेत्याने राम मंदिरासाठी केलेल्या दानासंदर्भातील बातम्या खोट्या असल्याचेही सांगण्यात आलेय.
रिपोर्ट्सनुसार, प्रभास संबंधित सूत्रांनी म्हटले अभिनेत्याने कोणत्याही प्रकारचे दान केलेले नाही ना त्या दिवशी तो भोजनाचा खर्च उचलणार आहे.
'Kalki 2898 AD' आणि 'द राजा साब' सिनेमातून प्रभास लवकरच प्रेक्षकांच्या भेटीला येणार आहे. याआधी प्रभासचा 'सालार पार्ट 1: सीझफायर' सिनेमा प्रदर्शित झाला होता.