'बेबी जॉन'च्या आधी 'थेरी'चे किती रिमेक बनले? बॉक्स ऑफिसवर किती कमाई?

थलपथी विजयचा तामिळ चित्रपट 'थेरी'चा नवीन रिमेक 'बेबी जॉन' बॉक्स ऑफिसवर रिलीज झाला असून पहिल्या दिवशी त्याने केवळ 12.5 कोटींची कमाई केली आहे.

एटली कुमार दिग्दर्शित 'थेरी' १४ एप्रिल २०१६ रोजी रिलीज झाला होता. हा चित्रपट बॉक्स ऑफिसवर हिट ठरला होता. याने पहिल्या दिवशी १३.१ कोटी रुपये व जगभरात १५३ कोटी रुपयांची कमाई केली.

'थेरी'चे तीन रिमेक गेल्या ८ वर्षांत रिलीज झाले आहेत, तर अजून एक रिमेक सध्या निर्मितीच्या टप्प्यात आहे. विशेष म्हणजे या चित्रपटाचा पहिला रिमेक श्रीलंकेत प्रदर्शित झाला होता.

'थेरी'चा पहिला रिमेक २०१९ मध्ये 'गोरी' नावाने रिलीज झाला होता. हा एक सिंहली भाषेतील चित्रपट होता, जो श्रीलंकेत प्रदर्शित झाला होता. हा चित्रपट बॉक्स ऑफिसवर फ्लॉप ठरला होता.

'थेरी'चा दुसरा रिमेक २०१९ मध्ये आसामी भाषेत 'रत्नाकर' नावाने रिलीज झाला. ब्लॉकबस्टर चित्रपट 'श्री रघुपती' नंतर हा आसामचा आत्तापर्यंतचा दुसरा सर्वाधिक कमाई करणारा चित्रपट आहे.

वरूण धवन स्टारर 'बेबी जॉन' हा 'थेरी'चा तिसरा रिमेक आहे, जो २५ डिसेंबर २०२४ रोजी रिलीज झाला. चित्रपटाला संमिश्र प्रतिसाद मिळाला आणि बॉक्स ऑफिसवर त्याची सुरुवात मंदावली होती.

'थेरी'चा चौथा रिमेक तेलुगूमध्ये 'उस्ताद भगतसिंग' नावाने बनवला जात आहे. ज्यामध्ये पवन कल्याण मुख्य भूमिकेत दिसणार आहे. हा चित्रपट पुढील वर्षी चित्रपटगृहात प्रदर्शित होऊ शकतो.