प्राजक्ता माळीचा 8 ऑगस्टला वाढदिवस असतो. मूळच्या पुण्यातील प्राजक्ताने मराठी सिनेसृष्टीवर आपल्या दमदार अभिनयाने छाप पाडली आहे.
प्राजक्ता माळीने मालिकांसह मराठी चित्रपट आणि काही वेब सीरिजमध्येही काम केले आहे. जाणून घेऊया अभिनेत्रीच्या सिनेमात गाजलेल्या काही भूमिकांबद्दल अधिक.
वर्ष 2013 मध्ये आलेल्या खो-खो सिनेमात प्राजक्ता माळीने सुमनची भूमिका साकारली होती. या सिनेमात सिद्धार्थ जाधव, भरत जाधव, क्रांती रेडकर मुख्य भूमिकेत झळकले होते.
संघर्ष सिनेमात प्राजक्ता माळीने तडफदार भूमिका साकारत प्रेक्षकांच्या मनावर छाप पाडली होती. सिनेमात प्राजक्तासह पंकज खामकर, अंशूमन विचारे, राजेश श्रृंगारपुरे असे कलाकार झळकले होते.
वर्ष 2017 मध्ये ललित प्रभाकरसोबत हंपी सिनेमातून प्राजक्ता माळी झळकली होती. यामध्ये सोनाली कुलकर्णी, प्रियदर्शनी जाधव आणि छाया कदमसारखे दमदार कलाकार झळकले होते.
डॉ. काशिनाथ घाणेकरमध्ये प्राजक्ता माळीने आशा काळे नावाची भूमिका साकारली होती. यामध्ये सुबोध भावे, सुमित राघवन यांच्यासह अन्य कलाकारांनी धमाकेदार भूमिका सिनेमात केल्या होत्या.
कॉम्प्लिकेडेट लग्नाची कथा मांडणारा डोक्याला शॉट सिनेमात प्राजक्ताने सुब्बुलक्ष्मीची भूमिका साकारली होती. सिनेमात प्राजक्तासोबत सुव्रत जोशी देखील मुख्य भूमिकेत झळकला होता.