गोपी बहूच्या घरी पाळणा हलणार, अभिनेत्रीने चाहत्यांना दिली गोड बातमी

साथ निभाना साथिया मालिकेतील अभिनेत्री देवोलीना भट्टाचार्जीच्या घरी लवकरच चिमुकल्या पाहुण्याचे आगमन होणार आहे. याची गुडन्यूज अभिनेत्रीने चाहत्यांना दिली आहे.

देवोलीनाने इंस्टाग्रामवर काही फोटो शेअर केले आहेत. याशिवाय आई होणार असल्याच्या प्रवासाचा आनंद घेत असल्याचेही अभिनेत्रीने म्हटले आहे.

देवोलीनाने पती शाहनवाज शेख याच्यासोबतचा फोटोही शेअर केला आहे. यामध्ये चिमुकल्या बाळाचे टी-शर्ट हातात अभिनेत्रीने घेतल्याचे दिसून येत आहे.

देवोलीनाच्या पंचामृत अनुष्ठानवेळी घरातील मंडळींसह खास मित्रमैत्रीणींनी उपस्थिती लावल्याचे दिसून आले. 

देवोलीना भट्टाचार्जीच्या प्रेग्नेंसीच्या चर्चा गेल्या काही काळापासून सुरू होत्या. अशातच अभिनेत्रीने गुड न्यूज देत अखेर चर्चांना पूर्णविराम दिला आहे.

हिरव्या रंगातील साडीत देवोलीना बेबी बंप फ्लॉन्ट करताना दिसून येत आहे. वर्ष 2022 मध्ये देवोलीना आमि शाहनवाज यांचा विवाह झाला होता.

देवोलीना भट्टाचार्जीला साथ निभाना साथिया मालिकेतील गोपी बहूच्या भूमिकेमुळे प्रसिद्धी मिळाली. याशिवाय देवोलीनाने काही मालिकांमध्ये कामही केले आहे.

देवोलीनाने चाहत्यांसोबत प्रेग्नेंसीची न्यूज शेअर केल्यानंतर त्यांनी अभिनेत्रीवर शुभेच्छांचा वर्षाव करण्यास सुरुवात केली आहे.