'टॉक्सिक पती' असल्याच्या टीकेवर रणबीर कपूरने सोडले मौन, ट्रोलर्संना दिले सडेतोड प्रत्युत्तर
आलिया भटने एका मुलाखतीत म्हटलं होतं की, ‘रणबीर कपूरला मी लिपस्टिक लावणं आवडत नाही. लिपस्टिक लावल्यास तो मला पुसण्यास सांगतो.’
आलियाने शेअर केलेल्या या माहितीनंतर सोशल मीडियावर लोक रणबीरला टॉक्सिक पती म्हणत ट्रोल करू लागले.
रणबीरने या टीकेबाबत आपले मौन सोडले असून ट्रोल करणाऱ्यांना सडेतोड प्रत्युत्तर दिले आहे.
“मी सोशल मीडियावर नाहीय आणि ही एक चांगली बाब आहे. कारण मला नकारात्मक गोष्टींचा सामना करण्याची आवश्यकता भासत नाही”.
जर आपण एक आर्टिस्ट असाल तर नकारात्मकताही आवश्यक आहे. कारण तेव्हाच समतोल राखता येतो, असेही मत त्यानं मांडलं.
“कित्येकदा अनेक गोष्टी लिहिल्या जातात. अनेक जण स्वतःचे मत तयार करतात. सिनेमांत साकारलेले पात्र किंवा मीडियामुळे तयार झालेल्या प्रतिमेप्रमाणे मी नाही. प्रत्यक्षात मी तसा नाहीय.”
अलिकडेच मी टॉक्सिक असल्यासंदर्भातील काही लेख वाचले. जे मी केलेल्या विधानाशी संबंधित होते.
जे टॉक्सिक लोकांविरोधात लढताहेत, मी त्यांच्यासोबत आहे. या लढाईसाठी त्यांना माझा चेहरा म्हणून वापर करायचाय, तर ठीक आहे. हरकत नाही. कारण मला वाईट वाटण्यापेक्षा ही लढाई मोठी आहे.