बिग बॉस ओटीटी -3 ची विजेती अभिनेत्री आणि मॉडेल सना मकबूल जिंकली आहे. सनाला ट्रॉफीसह 25 लाख रुपयांचे पारितोषकही देण्यात आले आहे. टॉप-2 मध्ये सनासोबत रॅपर नॅजी होता.
सनाचा प्रियकर श्रीकांत बुरेड्डी याने तिला खास अंदाजात शुभेच्छा दिल्या आहेत. यामध्ये श्रीकांतच्या हातात बिग बॉसची ट्रॉफी असून ‘ती जिंकली’ असे लिहिल्याची स्टोरी शेअर केली आहे.
श्रीकांत बुरेड्डी बडीलोन कंपनीसह अन्य काही कंपन्यांचा संस्थापक आहे. कथित रुपात सना मकबूल त्याच्या कंपनीची ब्रँड अ‍ॅम्बेसेडर आहे.
सना मकबूल बिग बॉसच्या घरात जाण्याआधी तिचा धुमधडाक्यात वाढदिवस श्रीकांत बुरेड्डीकडून साजरा करण्यात आला होता. यावेळी सना आणि श्रीकांतसोबत अत्यंत खुश असल्याचे दिसून आले होते.
सनाच्या वाढदिवसानिमित्त टेलिव्हिजन क्षेत्रातील काही कलाकारांनी उपस्थिती लावली होती. याचा एक व्हिडीओ श्रीकांत बुरेड्डीने सोशल मीडियावरील प्लॅटफॉर्म इंस्टाग्रामवर शेअर केला होता.
मुंबईत राहणारी सना अभिनेत्री आणि मॉडेल आहे. 2009 मध्ये सना MTV स्कूटी टीन दिवामध्ये झळकली होती. तसेच म्युझिकल सीरिजमध्ये सना दिसली होती. खतरो के खिलाडीमधून सनाला प्रसिद्धी मिळाली.
सनाने काही टीव्ही शो आणि साउथ सिनेमांमध्येही काम केले आहे. 'इस प्यार को क्या नाम दूं?', 'अर्जुन विष', 'आदत से मजबूर', 'कितनी मोहब्बत है-2' मध्येही सनाने काम केले आहे.