BBOTT3 मधून अरमान मलिकच्या पहिल्या पत्नीची एक्झिट, पण पती का आनंदित?

अनिल कपूरचा वादग्रस्त शो बिग बॉस ओटीटी-3 सध्या चर्चेत आहे. घरातील स्पर्धक एकमेकांची पोलखोल करताना दिसून येत आहेत. सातत्याने घरात वाद देखील होत आहेत.

विकेंड का वारमध्ये अनिल कपूर यांनी एक सदस्य घरातून एक्झिट घेणार असल्याची घोषणा केली. सूत्रसंचालकांनी ज्या स्पर्धकाचे नाव घेतले ते ऐकून सर्वजण हैराण झाले.

बिग बॉस ओटीटी-3 शो मधून दुसरा सदस्य घराबाहेर गेला आहे. यामध्ये अरमान मलिकची पहिली पत्नी पायल मलिकची एक्झिट झाली आहे.

पहिली पत्नी घराबाहेर गेल्यानंतर अरमान मलिक आनंदित झाला असून यावर त्याची प्रतिक्रिया देखील समोर आली आहे.

पायल मलिक घराबाहेर केल्यानंतर अरमान मलिकने प्रतिक्रिया देत म्हटले की, "मी आनंदित आहे. ती घरी जाऊन चारही मुलांचा सांभाळ करेल."

अरमान मलिकने बिग बॉसच्या घरात दोन्ही पत्नी पायल आणि कृतिकासोबत एण्ट्री केली होती. यावेळी पायलने पतीच्या दुसऱ्या लग्नाबद्दल धक्कादायक खुलासा केला होता.

बिग बॉस ओटीटी-3 शो सहा आठवड्यांमध्ये बंद होणार असल्याची चर्चा रंगली होती. पण ताज्या माहितीनुसार, शो तीन महिने आणखी सुरु राहणार आहे.