Mark Carney व्हिक्ट्री स्पिच, अमेरिकेला कडक इशारा, US शी सर्व संबंध तोडले, स्वयंपूर्ण कॅनडाची घोषणा

मार्क कार्नी यांनी पंतप्रधानपदी निवड झाल्यावर डोनाल्ड ट्रम्प यांच्यावर थेट हल्ला चढवला. कॅनडा-अमेरिकाची जुनी भागीदारी आता संपली असल्याचे ते म्हणाले. कार्नी म्हणाले - कॅनडा आता अमेरिकेवर अवलंबून राहणार नाही.

कॅनडाच्या निवडणुकीत विजय मिळवल्यानंतर पंतप्रधान मार्क कार्नी यांनी अमेरिकेचे राष्ट्राध्यक्ष डोनाल्ड ट्रम्प यांच्यावर पुन्हा एकदा जोरदार हल्ला चढवला आहे. ट्रम्प यांना प्रत्युत्तर देताना कार्नी यांनी घोषणा केली की कॅनडा अमेरिकेशी असलेले सर्व संबंध तोडत आहे. त्यांनी असेही म्हटले आहे की कॅनडा आता स्वावलंबी होण्याच्या मार्गावर चालेल, आम्ही कोणाच्याही आधारावर राहणार नाही.

पंतप्रधान झाल्यानंतर मार्क कार्नी यांनी पहिल्यांदा राष्ट्राला संबोधित केले. लिबरल पक्षाला अनपेक्षित विजय मिळाल्यानंतर मार्क कार्नी यांनी ट्रम्प यांच्यावर हल्ला चढवत म्हटले की आता अमेरिका-कॅनडा (कॅनडा-अमेरिका संबंध) यांच्यातील जुन्या संबंधांचा काळ संपला आहे. आता कॅनडा अमेरिकेवरील आर्थिक आणि राजकीय अवलंबित्व संपवेल आणि 'नवीन पर्यायांचा' शोध घेईल. 

ते म्हणाले की अमेरिकेशी आमचा जुना संबंध आता राहिलेला नाही, ज्याने आम्हाला दशकांपासून समृद्ध केले होते. आता आम्ही स्वावलंबी होण्याच्या दिशेने वाटचाल करू. त्यांच्या या घोषणेवर समर्थकांनी टाळ्यांचा कडकडाट केला. 'स्वतंत्र कॅनडा'च्या घोषणा दिल्या.

ट्रम्प यांचा कॅनडाला ५१ वे राज्य बनवण्याचा होता हेतू

४७ व्या राष्ट्राध्यक्षपदाची सूत्रे हाती घेतल्यानंतर डोनाल्ड ट्रम्प यांनी कॅनडावर शाब्दिक आक्रमक करत ते अमेरिकेत विलीन करण्याची ऑफर दिली होती. ट्रम्प यांनी आपल्या वादग्रस्त विधानात कॅनडाला अमेरिकेचे ५१ वे राज्य बनवण्याची भाषा केली होती. एवढेच नाही तर ट्रम्प यांनी अनेक प्रसंगी कॅनेडियन पंतप्रधानांना राज्यपाल म्हणून संबोधित केले. त्यांच्या या वृत्तीमुळे कॅनडा नेहमीच नाराजी व्यक्त करत आला आहे. हे देशाच्या सार्वभौमत्वाला मोठा धक्का असल्याचे सांगत आला आहे.

अमेरिकन राज्ये खरेदी करण्याचा प्रस्ताव

मात्र, सुरुवातीला ओटावाने याला मस्करी म्हणून घेतले. पण जेव्हा ट्रम्प यांनी हा विचार वारंवार मांडला तेव्हा कॅनडानेही जोरदार प्रत्युत्तर दिले. एक 'उलट प्रस्ताव' पाठवला. अमेरिकेतील कॅलिफोर्निया, ओरेगॉन, वॉशिंग्टन आणि मिनेसोटा 'खरेदी' करण्याचा प्रस्ताव मांडला होता.

अमेरिकन निर्बंधांवर कॅनडाचे प्रत्युत्तर

ट्रम्प यांनी त्यानंतर कॅनडावर मोठे कर आणि जकात लादली, ज्यामुळे तेथील अर्थव्यवस्थेला धक्का बसला. व्यापारावर अवलंबून असलेल्या कॅनेडियन नागरिकांवर दबाव वाढला. पण निवडणुकीच्या निकालांनी स्पष्ट केले की आता जनता झुकण्याच्या मनःस्थितीत नाही.

आता अमेरिका नाही, कॅनडा स्वतःचे भविष्य लिहील

आपल्या भाषणात पंतप्रधान कार्नी यांनी इतिहासाचा दाखला देत म्हटले की दुसरे महायुद्ध असो वा शीतयुद्ध, प्रत्येक काळात कॅनडाने जगासाठी आशेचा किरण दाखवला. आज पुन्हा आपण अशाच टप्प्यावर उभे आहोत, जिथे आपल्याला स्वतःसाठी, एक स्वतंत्र राष्ट्र म्हणून पुढे जायचे आहे. ते म्हणाले की अमेरिकेने आपल्याला फसवले आहे. पण आपण त्यातून सावरलो आहोत. आता आपल्याला स्वतःची आणि एकमेकांची काळजी घ्यायची आहे. आता आपण फक्त अमेरिकेवर अवलंबून राहणार नाही. त्यांनी असेही सांगितले की जेव्हा ते ट्रम्प यांना भेटतील तेव्हा ही बैठक दोन 'स्वतंत्र राष्ट्रांमध्ये' समानतेच्या आधारावर होईल.

ट्रम्प यांना संदेश

कार्नी स्वतः अर्थशास्त्रात पीएचडी आहेत. ते हार्वर्ड-ऑक्सफोर्डसारख्या संस्थांमधून शिकलेले आहेत. त्यांनी सांगितले की आता कॅनडाकडे अनेक जागतिक पर्याय आहेत. “आमचे समृद्ध भविष्य आता फक्त अमेरिकेवर नाही तर आमच्या स्वतःच्या धोरणांवर आणि भागीदारीवर अवलंबून असेल.