डोनाल्ड ट्रम्प यांच्या आलिशान जेटची झलक, नातीने शेअर केला व्हिडीओ

डोनाल्ड ट्रम्प यांच्या नातीने त्यांच्या प्रायव्हेट जेटमधील आलिशान सुविधांचा व्हिडिओ शेअर केला आहे. यात सोफा, टीव्ही आणि बेडरूमसारख्या सुविधा दिसत आहेत. ट्रम्प कुटुंब स्पेसएक्स रॉकेट लॉन्च पाहण्यासाठी टेक्सासला गेले होते.

वॉशिंग्टन: अमेरिकेचे नवनिर्वाचित राष्ट्रपती डोनाल्ड ट्रम्प यांचे प्रायव्हेट जेट हवेत उडणाऱ्या महलापेक्षा कमी नाही. या विमानाच्या आतील भागाची झलक डोनाल्ड ट्रम्प यांच्या १७ वर्षीय नातीने सोशल मीडियावर व्हिडीओ शेअर करून दाखवली आहे.काई ट्रम्प हिने युट्युब आणि एक्सवर एक व्हिडीओलॉग पोस्ट केला आहे. यामध्ये तिने एलॉन मस्क यांच्यासोबत स्पेस एक्स रॉकेट लान्च बघण्याचा आपला अनुभव शेअर केला आहे. जवळपास १२ मिनिटांच्या व्हिडीओमधून काई ट्रम्प हिला तिच्या आजोबांच्या प्रायवेट जेटमध्ये सवारी करताना दाखवले आहे.

स्टारशिप रॉकेट लॉन्च बघण्यासाठी गेला होता डोनाल्ड परिवार

डोनाल्ड परिवार अमेरिकेत झालेल्या राष्ट्रपती निवडणुकीनंतर स्पेसएक्सचे स्टारशिप रॉकेट लॉन्च बघण्यासाठी टेक्सासला गेला होता. व्हिडीओत असे दिसते की ट्रंप यांच्या विमानाला शाही महलाप्रमाणे सजवले गेले आहे.यात अलीशान सोफा, फ्लॅट टीव्ही आणि एक वेगळी बेडरूम आहे.

व्हिडीओत काईने काळी जिन्स, स्किम्स टॉप आणि वुईटन बेल्ट परिधान केल्याचे दिसते. तिच्या बरोबर तिची मैत्रीण एम्मा मार्किन देखील आहे. त्या उड्डाणा दरम्यान सोबत मस्ती करताना आणि टिक टॉक डांस शिकताना दिसत आहेत. टेक्सासमध्ये विमान उतरण्याआधी काई विमानाच्या पुढील भागात आणि कॉकपिटमध्ये लँडिंग बघायला गेली आहे. विमानाच्या कॉकपिटच्या डॅशबोर्डवर 'डोनाल्ड बॉबलहेड' ठेवलेला दिसुन येतो.

बोईंग ७५७ आहे डोनाल्ड ट्रम्प यांचे प्रायव्हेट जेट

डोनाल्ड ट्रम्प प्रायव्हेट जेट म्हणून बोईंग ७५७ चा उपयोग करतात. या जेट विमानाला मॉडीफाय करून अलिशान बनवले आहे. विमानाला राजेशाही लुक देण्यासाठी सोन्याने सजवले आहे.

हेही वाचा: