Iran-Israel War : इराणचा खतरनाक डाव, इस्रायलवर क्लस्टर मिसाइलने हल्ला, युद्ध भडकणार?

Iran-Israel War इराणने इस्रायलच्या अनेक शहरांवर क्लस्टर वॉरहेड बॅलिस्टिक मिसाइलने हल्ला केला आहे. या मिसाइलमुळे एकाच वेळी मोठ्या परिसरात अनेक छोटे बॉम्ब पडतात. १०० हून अधिक देशांनी यावर बंदी घातली आहे. 

Iran Cluster Missile Attack: मिडल ईस्टमध्ये सुरू असलेलं इराण-इस्रायल युद्ध (Israel Iran War) आता अधिकच धोकादायक वळणावर पोहोचलं आहे. ताज्या रिपोर्ट्सनुसार, इराणने थेट इस्रायलवर क्लस्टर मिसाइलने हल्ला केला आहे. या हल्ल्यात इस्रायलच्या अनेक शहरांना टार्गेट करण्यात आलं असून, अनेक ठिकाणी मोठे स्फोट आणि नुकसानीच्या बातम्या येत आहेत. या हल्ल्यामुळे संपूर्ण प्रदेशात तणाव आणखी वाढला आहे.

काय आहे क्लस्टर वॉरहेड मिसाइल आणि का मानली जाते इतकी धोकादायक?

क्लस्टर मिसाइल ही एक विशेष प्रकारची बॅलिस्टिक मिसाइल असते. याच्या मोठ्या वॉरहेडमध्ये (मुख्य बॉम्ब) अनेक छोटे-छोटे बॉम्ब भरलेले असतात. जेव्हा हे मिसाइल हवेत फुटतं, तेव्हा हे छोटे बॉम्ब एका मोठ्या परिसरात विखुरले जातात. त्यामुळे फक्त लष्करी तळच नाही, तर आजूबाजूच्या सामान्य नागरिकांच्या वस्तीलाही मोठं नुकसान होऊ शकतं. म्हणूनच जगातील 100 पेक्षा जास्त देशांनी क्लस्टर शस्त्रांवर बंदी घातली आहे. एका आंतरराष्ट्रीय करारानुसार या शस्त्रांचा वापर, उत्पादन आणि साठवणुकीवर बंदी आहे. पण इराण आणि इस्रायल या कराराचा भाग नाहीत, त्यामुळे त्यांच्यावर ही बंदी लागू होत नाही.

कोणत्या शहरांना लक्ष्य केलं?

रिपोर्ट्सनुसार, इराणच्या या मिसाइल हल्ल्यात इस्रायलच्या अनेक शहरांना लक्ष्य करण्यात आलं. हल्ल्यानंतर अनेक ठिकाणी सायरन वाजू लागले आणि लोकांना सुरक्षित ठिकाणी जाण्याचा इशारा देण्यात आला. इस्रायलच्या एअर डिफेन्स सिस्टीमने काही मिसाइल्स हवेतच रोखण्याचा प्रयत्न केला, पण अनेक मिसाइल्स जमिनीवर पडल्याच्याही बातम्या आहेत.

मिडल ईस्ट युद्ध आणखी पसरणार का?

तज्ज्ञांच्या मते, जर क्लस्टर मिसाइलचा वापर मोठ्या प्रमाणावर झाला असेल, तर हे इराण-इस्रायल संघर्ष (Israel Iran Conflict Escalation) आणखी चिघळण्याचे संकेत आहेत. यामुळे संपूर्ण मिडल ईस्टमध्ये तणाव आणखी वाढू शकतो. अनेक संरक्षण विश्लेषकांचं म्हणणं आहे की, अशा शस्त्रांच्या वापरामुळे युद्ध अधिक धोकादायक बनतं, कारण यामुळे सामान्य नागरिकांच्या भागात जास्त नुकसान होण्याची शक्यता असते.

जगाचं लक्ष मिडल ईस्टवर का लागलंय?

या हल्ल्यानंतर संपूर्ण जगाचं लक्ष आता मिडल ईस्टमधील संघर्षावर (Middle East Conflict) लागलं आहे. जर परिस्थिती आणखी बिघडली, तर हा संघर्ष फक्त दोन देशांपुरता मर्यादित न राहता संपूर्ण प्रदेशाला आपल्या कवेत घेऊ शकतो.