America Firing : अमेरिकेत दोन डेमोक्रॅट्सवर घरात घुसून गोळीबार, एका दांपत्याचा मृत्यू तर एक दांपत्य गंभीर जखमी

मिनेसोटाचे गव्हर्नर टिम वाल्ज यांनी सांगितले की, हा हल्ला राजकीय कारणांमुळे झाल्याचे दिसते.

वॉशिंग्टन : अमेरिकेत घडलेल्या एका अनपेक्षित घटनेत गुन्हेगारांनी घरात घुसून दोन डेमोक्रॅट्स खासदारांवर हल्ला केला. मिनेसोटातील दोन डेमोक्रॅटिकना त्यांच्या घरात घुसून गोळ्या घातल्या. या गोळीबारात एका महिला डेमोक्रॅटचा आणि त्यांच्या पतीचा मृत्यू झाला आहे, तर दुसरे डेमोक्रॅट आणि त्यांची पत्नी गंभीर आहेत.

काय आहे संपूर्ण घटनाक्रम?

मिनेसोटाचे गव्हर्नर टिम वाल्ज यांनी सांगितले की, हा हल्ला राजकीय कारणांमुळे झाल्याचे दिसते. पोलिसांना मिनियापोलिसजवळील दोन ठिकाणी चॅम्पलिन आणि ब्रुकलिन पार्क येथे गोळीबार झाल्याची माहिती मिळाली आहे. या दोन्ही घटनांमध्ये दोन डेमोक्रॅटिक खासदारांच्या घरात घुसून गोळीबार करण्यात आला आहे. त्यांनी सांगितले की, गुन्हेगारांनी डेमोक्रॅटिक स्टेट रिप्रेझेंटेटिव्ह मेलिसा हॉर्टमॅन आणि त्यांचे पती मार्क यांच्या घरी घुसून गोळ्या घातल्या. या गोळीबारात महिला खासदार आणि त्यांच्या पतीला वाचवता आले नाही आणि त्यांचा मृत्यू झाला. 

याशिवाय गुन्हेगारांनी डेमोक्रॅटिक स्टेट सिनेटर जॉन हॉफमन आणि त्यांची पत्नी येवेट यांनाही गोळ्या घातल्या. खासदार आणि त्यांची पत्नी गंभीर जखमी झाले. दोघांनाही रुग्णालयात दाखल करण्यात आले. डॉक्टरांनी शस्त्रक्रिया केली आहे, मात्र दोघांचीही प्रकृती गंभीर आहे.