Nepal Plane Crash : विमानात बसलेले १९ प्रवाशांचामृत्यू झाल्याची शक्यता?

सरकारी दूरचित्रवाणीनुसार, काठमांडू येथील त्रिभुवन आंतरराष्ट्रीय विमानतळावरून उड्डाण करण्याचा प्रयत्न करताना बुधवारी १९ जणांना घेऊन जाणारे विमान धावपट्टीवरून घसरले आणि क्रॅश झाले. देशांतर्गत सौर्य एअरलाइन्सचे हे विमान पोखरा या लोकप्रिय शहराकडे जात असताना हा अपघात झाला. सूत्रांनी दिलेल्या माहितीनुसार, सकाळी 11 वाजण्याच्या सुमारास विमानाला अपघात झाला.

विमानातील १९ जणांमध्ये प्रवासी आणि विमानातील कर्मचारी होते. विमानतळावर तैनात असलेल्या सुरक्षा अधिकाऱ्याने दिलेल्या माहितीनुसार, विमानाच्या पायलटला रुग्णालयात नेण्यात आले. विमानातून लागलेली आग विझवण्यात आली आहे, असे अधिकाऱ्याने सांगितले. पोलीस आणि अग्निशमन दलाचे जवान अपघातस्थळी बचावकार्य करत आहेत. प्रवाशांची स्थिती अद्याप अज्ञात आहे.

सविस्तर माहिती अजून मिळालेली नाही. 
आणखी वाचा -
Manoj Jarange Hunger Strike : मनोज जरांगे आंतरवाली सराटीतील उपोषण स्थगित करणार
Budget 2024 : बजेटमध्ये नागपूर मेट्रोला 683 कोटी, दुसऱ्या टप्प्याला मिळाला बूस्ट