तिबेट भूकंप : नेपाळ, चीन, भारत हादरले; सर्वात तीव्र भूकंप कधी झाले ते जाणून घ्या

तिबेटमध्ये मंगळवारी सकाळी ७.१ रिश्टर स्केलचा जोरदार भूकंप झाला. या भूकंपाचे धक्के नेपाळ, चीन आणि भारतातही जाणवले. चीनमधील शिगात्से शहरात किमान नऊ जणांचा मृत्यू झाल्याचे वृत्त आहे.

तिबेटमध्ये मंगळवारी सकाळी भूकंपाचे अनेक धक्के जाणवले. सर्वात तीव्र भूकंपाची तीव्रता रिक्टर स्केलवर ७.१ होती. यामुळे नेपाळ, चीन आणि भारताच्या मोठ्या भागात धक्के जाणवले. नेपाळची राजधानी काठमांडूमध्ये भूकंपाचे तीव्र धक्के जाणवल्यानंतर लोक आपल्या घरांमधून बाहेर पडले. जीवितहानी आणि मालमत्तेचे नुकसान झाल्याचे प्रथम अहवाल चीन मधील शहर शिगात्से येथून आले आहेत, जेथे सीसीटीव्ही न्युजने किमान नऊ लोकांचा मृत्यू झाल्याची नोंद केली आहे. स्थानिकांनी ढिगारा, घरे कोसळताना आणि गोंधळाचे व्हिडिओही शेअर केले आहेत

आत्तापर्यंत जगभरातील सर्वात विनाशकारी भूकंप

१.शानक्सी भूकंप: १५५६ मध्ये चीनमधील शानक्सी येथे भीषण भूकंप झाला. यात सुमारे ८.३० लाख लोकांचा मृत्यू झाला.

२.तांगशान भूकंप: चीनच्या तांगशानमध्ये १९७६ साली आलेल्या भूकंपामुळे २,४२,००० ते ६,५५,००० लोक मृत्युमुखी पडल्याचा अंदाज आहे.

३.हिंद महासागर भूकंप: २००४ साली हिंद महासागरामध्ये भूकंप झाला. यामुळे निर्माण झालेल्या सुनामीने १४ देशांमध्ये सुमारे २,२७, ८९८ लोकांचा बळी घेतला.

४.हाईयुआन भूकंप: चीनच्या हाईयुआनमध्ये १९२० साली आलेल्या भूकंपामुळे २,७३,४०० लोकांचा मृत्यू झाला.

५.चिली भूकंप: १९६० मध्ये चिलीमध्ये आलेल्या भूकंपामुळे ५,७०० लोकांचा मृत्यू झाला. या भूकंपामुळे निर्माण झालेल्या सुनामीने मोठी हानी घडवून आणली.

६.कांटो भूकंप: जपानच्या कांटो प्रदेशात १९२३ साली आलेल्या या भूकंपामुळे सुमारे १,४२,८०० लोकांचा मृत्यू झाला.

७.हैती भूकंप: २०१० मध्ये हैतीमध्ये आलेल्या भूकंपामुळे सुमारे १,६०,००० लोकांचा मृत्यू झाला.

८.कामचटका भूकंप: १९५२ मध्ये आलेल्या या भूकंपामुळे सुमारे १५००० लोकांनी आपले प्राण गमावले.

९.तोहोकू भूकंप: जपानच्या तोहोकू प्रदेशात २०११ मध्ये आलेल्या भूकंपामुळे १५,५०० हून अधिक लोकांचा मृत्यू झाला. या भूकंपानंतर निर्माण झालेल्या सुनामीने मोठी विध्वंस घडवून आणला.

१०.आसम-तिबेट भूकंप: १९५० मध्ये आलेल्या या भूकंपामुळे सुमारे २२,००० लोक मृत्युमुखी पडल्याचा अंदाज आहे. या घटना मोठ्या प्रमाणावर जीवित आणि मालमत्तेच्या नुकसानीस कारणीभूत ठरल्या.

आणखी वाचा-