Divorce Month : कोणत्या महिन्यात होतात सर्वात जास्त घटस्फोट; जाणून घ्या, ही आहेत महत्त्वाची कारणे

Divorce Month : आकडेवारीनुसार, जानेवारी महिन्यातच सर्वाधिक पती-पत्नी विभक्त होतात. म्हणूनच याला घटस्फोटाचा महिना किंवा 'डिव्होर्स मंथ' म्हणतात. पण जानेवारी महिन्यातच इतकी जोडपी का वेगळी होतात? 

घटस्फोटाचा महिना जानेवारी

जगभरात जानेवारी महिन्यात घटस्फोटांची संख्या अचानक वाढते. वकील, समुपदेशन केंद्र आणि कोर्टात गर्दी होते. यामुळे याला 'डिव्होर्स मंथ' म्हणतात. यामागे अनेक सामाजिक आणि मानसिक कारणे आहेत.

जानेवारीतच प्रकरणं समोर येतात

डिसेंबर महिना ख्रिसमस आणि नवीन वर्षाच्या सेलिब्रेशनमुळे आनंदी असतो. सुट्ट्यांमुळे आणि मुलांसमोर वाद नको म्हणून जोडपी वाद टाळतात. पण जानेवारीत नवीन वर्षाचे संकल्प करताना अनेकजण वेगळे होण्याचा निर्णय घेतात.

नवीन वर्ष, नवीन आयुष्य

नवीन वर्ष अनेकांसाठी नवीन आयुष्याची सुरुवात असते. नाखूश नात्यात न राहण्याचा विचार जानेवारीत वाढतो. नवीन वर्षाच्या संकल्पाचा भाग म्हणून काहीजण घटस्फोटाचा निर्णय घेतात आणि स्वतंत्रपणे जगण्याची इच्छा ठेवतात.

डिसेंबर महिनाभर व्यस्तता

कायदेतज्ज्ञांच्या मते, डिसेंबरमधील व्यस्ततेमुळे घटस्फोटाची प्रकरणे कमी होतात. हीच प्रकरणे जानेवारीत एकदम समोर येतात. घटस्फोट हा उपाय नाही. जोडप्यांनी समुपदेशन आणि कुटुंबाची मदत घ्यावी, असेही तज्ञ सांगतात.