Health Alert: पायदुखी, सूजकडे लक्ष द्या.. कदाचित ते हृदयविकाराचे लक्षण असू शकते!

Health Alert: पायऱ्या चढताना पाय दुखत असतील किंवा गोळे येत असतील अथवा तुमच्या पायांना, घोट्यांना, बोटांना सूज येत असेल तर त्याकडे दुर्लक्ष करू नका. ही हृदयरोगाची लक्षणे असू शकतात. त्यामुळे डॉक्टरांशी त्वरित संपर्क साधा, लगेच तपासणी करून घेणे योग्य. 

पेरिफेरल आर्टरी डिसीज

हिवाळ्यात हृदयविकाराचा धोका वाढतो. पायांच्या रक्तवाहिन्यांमध्ये अडथळा आल्यास हृदयविकाराचा धोका वाढतो. याला वैद्यकीय भाषेत पेरिफेरल आर्टरी डिसीज (Peripheral artery disease) म्हणतात.

हे अचानक घडत नाही

पेरिफेरल आर्टरी डिसीजमध्ये कोलेस्ट्रॉलमुळे पायांच्या रक्तवाहिन्यांना सूज येते. यामुळे रक्तप्रवाहात अडथळा येतो. हा आजार अचानक होत नाही, त्याची अनेक लक्षणे आधीच दिसू लागतात.

पेरिफेरल आर्टरी डिसीजची लक्षणे

पायऱ्या चढताना पायात दुखणे/गोळे येणे.
पाय, घोटे किंवा बोटांना सूज.
पाय थंड पडणे, निळे किंवा जांभळे होणे.
पायांना मुंग्या येणे.
त्वचा कोरडी होणे, नखे जाड आणि पिवळी होणे.

हे नक्कीच धोकादायक आहे

डॉ. अजित जैन यांच्या मते, पेरिफेरल आर्टरी डिसीजमुळे पायात अडथळे येतात. लठ्ठपणा, व्यायामाचा अभाव आणि उच्च रक्तदाब असलेल्यांना जास्त धोका असतो. पायांना सूज किंवा मुंग्या येण्याकडे दुर्लक्ष करू नका.

प्रतिबंध कसा करावा?

नियमित व्यायाम करा.
आपल्या आहाराची काळजी घ्या.
जास्त चरबी, प्रक्रिया केलेले पीठ आणि लाल मांस खाणे टाळा.
तणाव घेऊ नका.
पुरेशी झोप घेणे महत्त्वाचे आहे.