WhatsApp Update: सुरक्षेच्या कारणांमुळे आणि नवीन फीचर्स देण्यात येणाऱ्या अडचणींमुळे, व्हॉट्सॲपने जुन्या अँड्रॉइड फोन्ससाठी आपलं सपोर्ट बंद करण्याचा निर्णय घेतला आहे. त्यामुळे अनेक युझर्सना याचा फटका बसू शकतो.
जुन्या अँड्रॉइड फोन वापरकर्त्यांना व्हॉट्सॲपने इशारा दिला आहे. कंपनीने जाहीर केले आहे की, 8 सप्टेंबरपासून अँड्रॉइड 5.0 आणि 5.1 व्हर्जन असलेल्या मोबाईलवर व्हॉट्सॲप सेवा पूर्णपणे बंद होईल. यामुळे लाखो युझर्सना फटका बसण्याची शक्यता आहे.
25
कोणत्या फोन्सवर परिणाम होणार?
व्हॉट्सॲपने स्पष्ट केलंय की, आता हे ॲप फक्त अँड्रॉइड 6.0 आणि त्यावरील व्हर्जनवरच चालेल. जुन्या सॉफ्टवेअरवर नवीन फीचर्स आणि सुरक्षा अपडेट्स देणं कठीण होत असल्याने हा निर्णय घेतला आहे. विशेषतः अँड्रॉइड 5.0 आणि 5.1 वापरणाऱ्यांनी याची नोंद घ्यावी.
35
व्हॉट्सॲपने दिला महत्त्वाचा सल्ला
व्हॉट्सॲपने काही युझर्सना आधीच वॉर्निंग मेसेज पाठवले आहेत. त्यांना चॅट हिस्ट्री, फोटो, व्हिडिओ आणि महत्त्वाची माहिती इतर क्लाउड सर्व्हिसवर बॅकअप घेण्याचा सल्ला दिला आहे. विशेषतः व्हॉट्सॲप बिझनेस अकाउंट वापरणाऱ्यांनाही तातडीने बॅकअप घेण्यास सांगितलं आहे.
युझर्सनी सर्वात आधी आपल्या फोनच्या 'सेटिंग्ज'मध्ये जाऊन अँड्रॉइड व्हर्जन तपासावं. जर ते जुनं असेल, तर सॉफ्टवेअर अपडेट उपलब्ध आहे का ते पाहावं. अपडेट मिळत नसेल, तर नवीन स्मार्टफोन घेणं किंवा नवीन अँड्रॉइड व्हर्जन असलेल्या डिव्हाइसवर जाणं चांगलं राहील, असं टेक्नोलॉजी एक्सपर्ट्स सांगतात.
55
आयफोन युझर्सना फटका बसणार नाही
हा नवीन बदल सध्या फक्त अँड्रॉइड डिव्हाइससाठी लागू असल्याचं व्हॉट्सॲपने स्पष्ट केलं आहे. iOS 15.1 आणि त्यावरील व्हर्जन वापरणाऱ्या आयफोन युझर्सवर याचा कोणताही परिणाम होणार नाही. सुरक्षा आणि युझर एक्सपीरियन्स सुधारण्याच्या उद्देशाने हा निर्णय घेण्यात आला आहे.
