Hotel Alert: अनेक हॉटेल्समध्ये वारंवार वापरल्या जाणाऱ्या काही वस्तू व्यवस्थित स्वच्छ केल्या जात नाहीत. त्यामुळे प्रवाशांनी जास्त काळजी घ्यावी, असा इशारा तज्ज्ञांनी दिला आहे.
हॉटेलच्या रूममध्ये शिरताच स्वच्छ बेडशीट, चकचकीत आरसा आणि फ्रेशनरचा सुगंध यामुळे अनेकांना वाटतं की रूम पूर्णपणे सुरक्षित आणि स्वच्छ आहे. पण आरोग्य तज्ज्ञांच्या मते, बाहेरून स्वच्छ दिसणाऱ्या काही वस्तूंमध्येच सर्वात जास्त जंतू लपलेले असू शकतात.
25
टीव्ही रिमोटवर असू शकतात सर्वाधिक जंतू
हॉटेलच्या रूममध्ये टीव्ही रिमोटचा वापर खूप जास्त होतो. प्रत्येक पाहुणा तो वापरत असल्यामुळे त्यावर जंतू जमा होण्याची शक्यता जास्त असते. विशेषतः बटणं आणि कडेला धूळ, घाण आणि बॅक्टेरिया बराच काळ टिकून राहतात. त्यामुळे काहीजण रिमोट वापरण्यापूर्वी सॅनिटायझर वाइपने पुसून घेतात.
35
शोभेची उशी आणि किटली, धोक्याची घंटी!
बेडवर केवळ शोभेसाठी ठेवलेल्या उशा (cushions) आणि रंगीबेरंगी कापड अनेकदा स्वच्छ केले जात नाहीत. अनेकजण त्यावर बॅग, चपला-बूट ठेवतात, ज्यामुळे जंतू सहज पसरतात. त्याचबरोबर, इलेक्ट्रिक किटली किंवा कॉफी मेकर नीट धुतले नाहीत, तर त्यात बॅक्टेरिया आणि बुरशी वाढण्याचा धोका असतो.
बाथरूमजवळ ठेवलेले पिण्याच्या पाण्याचे ग्लास काही हॉटेल्समध्ये व्यवस्थित निर्जंतुक केले जात नाहीत. काहीवेळा ते फक्त पाण्याने धुऊन ठेवले जातात, अशीही माहिती समोर आली आहे. याशिवाय, दाराचे हँडल, लाईटचे स्विच, फोन आणि पडद्याचे हँडल यांसारख्या वस्तूंना जास्त स्पर्श होत असल्याने तिथेही जंतू असण्याची शक्यता असते.
55
प्रवाशांनो, ही काळजी नक्की घ्या!
कोविड काळानंतर हॉटेलच्या स्वच्छतेबद्दल लोकांमध्ये जागरूकता वाढली आहे. आता अनेक प्रवासी सोबत सॅनिटायझर, जंतुनाशक वाइप्स घेऊन जातात. हॉटेलमधील ग्लास पुन्हा धुऊन वापरणे, रिमोट आणि दाराचे हँडल स्वच्छ करणे आणि शोभेच्या उशा न वापरणे यांसारख्या छोट्या-छोट्या गोष्टी तुमच्या आरोग्यासाठी फायदेशीर ठरू शकतात.
