Pradhan Mantri Ujjwala Yojana: मोफत LPG कनेक्शन, स्टोव्ह आणि पहिली रिफिल कशी मिळवायची?; अर्ज प्रक्रिया जाणून घ्या
सार
PMUY LPG Connection for Women: प्रधानमंत्री उज्ज्वला योजनेअंतर्गत गरीब आणि BPL कुटुंबातील महिलांना मोफत LPG कनेक्शन, स्टोव्ह आणि पहिले रिफिल मिळते. अर्ज प्रक्रिया, पात्रता, लाभ आणि LPG कनेक्शन सहज कसे मिळवायचे ते जाणून घ्या.
Pradhan Mantri Ujjwala Yojana: सरकारने गरीब कुटुंबांचे जीवन सोपे करण्यासाठी प्रधानमंत्री उज्ज्वला योजना (PMUY) सुरू केली आहे. ही योजना विशेषतः दारिद्र्यरेषेखालील (BPL) जीवन जगणाऱ्या महिलांसाठी आहे. या योजनेचा मुख्य उद्देश ग्रामीण आणि मागासलेल्या भागांमध्ये स्वच्छ स्वयंपाकाचे इंधन (LPG) उपलब्ध करून देणे हा आहे, जेणेकरून महिला लाकूड, कोळसा किंवा शेणाच्या गोवऱ्यांचा वापर करणार नाहीत. पारंपारिक इंधनामुळे आरोग्यावर नकारात्मक परिणाम होतो आणि पर्यावरणाचेही नुकसान होते.
प्रधानमंत्री उज्ज्वला योजनेचे फायदे काय आहेत?
प्रधानमंत्री उज्ज्वला योजनेअंतर्गत गरीब महिलांना मोफत LPG कनेक्शनसोबतच सरकारकडून आर्थिक मदतही दिली जाते. यामध्ये
- जर तुम्ही 14.2 किलोचा सिलेंडर घेतला तर तुम्हाला 1,600 रुपयांची मदत मिळेल.
- तर 5 किलोच्या सिलेंडरसाठी ही रक्कम 1,150 रुपये आहे.
- या आर्थिक मदतीमध्ये अनेक आवश्यक गोष्टींचा समावेश आहे, जसे की-
- सिलेंडर सिक्युरिटी डिपॉझिट - सिलेंडर ठेवण्यासाठी सुरक्षा रक्कम.
- प्रेशर रेग्युलेटर - गॅसच्या सुरक्षित पुरवठ्यासाठी.
- LPG होज - सिलेंडर आणि शेगडी जोडण्यासाठी पाईप.
- डोमेस्टिक गॅस कंझ्युमर कार्ड - तुमच्या नावाची आणि कनेक्शनच्या माहितीसाठी.
- इन्स्टॉलेशन आणि डेमॉन्स्ट्रेशन चार्जेस - कनेक्शन बसवण्यासाठी आणि वापराबाबत माहिती देण्याचा खर्च.
- याशिवाय, सर्व लाभार्थ्यांना पहिले रिफिल आणि स्टोव्ह (हॉटप्लेट) देखील पूर्णपणे मोफत मिळतात. याचा अर्थ असा की, तुम्ही कोणत्याही अतिरिक्त खर्चाशिवाय लगेचच स्वच्छ स्वयंपाकाच्या साधनांचा वापर सुरू करू शकता.
PM उज्ज्वला योजनेसाठी कोण अर्ज करू शकते?
प्रधानमंत्री उज्ज्वला योजनेअंतर्गत केवळ 18 वर्षे किंवा त्याहून अधिक वयाच्या महिलाच अर्ज करू शकतात आणि ज्यांची कुटुंबे खालील श्रेणींमध्ये येतात.
- SC, ST कुटुंबे: अनुसूचित जाती आणि अनुसूचित जमातीची कुटुंबे.
- प्रधानमंत्री आवास योजना (ग्रामीण) अंतर्गत समाविष्ट असलेली कुटुंबे.
- अति मागासवर्गीय (Most Backward Classes) कुटुंबे.
- अंत्योदय अन्न योजना (AAY) अंतर्गत येणारी गरीब कुटुंबे.
- चहाच्या मळ्यांमध्ये काम करणारी कुटुंबे.
- वनवासी आणि बेटे, नदीच्या बेटांवर राहणारे लोक.
- SECC कुटुंबे आणि इतर गरीब कुटुंबे, जी आर्थिकदृष्ट्या मागासलेली आहेत.
- आणखी एक महत्त्वाची अट म्हणजे कुटुंबात आधीपासून कोणतेही LPG कनेक्शन नसावे.
हेही वाचा - भावा, आता घेऊन टाक..! 'होंडा ॲक्टिव्हा' पेक्षाही स्वस्त 5 लोकप्रिय बाईक्स, Top 5 Budget Friendly Moped!
प्रधानमंत्री उज्ज्वला योजनेतून LPG कनेक्शन मिळवण्यासाठी अर्ज कसा करावा?
प्रधानमंत्री उज्ज्वला योजना 2.0 मध्ये LPG कनेक्शन मिळवण्यासाठी अर्ज करणे खूप सोपे आहे. यासाठी तुम्हाला खालील स्टेप्स फॉलो कराव्या लागतील.
- अर्ज फॉर्म: तुम्ही सरकारी वेबसाइटवरून फॉर्म डाउनलोड करू शकता किंवा तुमच्या जवळच्या LPG वितरकाकडून घेऊ शकता.
- आवश्यक फॉर्म आणि Annexures: KYC फॉर्म: तुमची ओळख आणि बँक तपशिलासाठी. Supplementary KYC Document & Undertaking - अतिरिक्त माहितीसाठी. Annexure I - स्थलांतरित कुटुंबांसाठी स्वयं-घोषणापत्र. Annexure II - LPG कनेक्शन बसवण्यापूर्वी प्री-इन्स्टॉलेशन तपासणी.
- फॉर्म भरा: फॉर्ममध्ये तुमची वैयक्तिक माहिती, बँक खात्याचा तपशील आणि LPG वितरकाची निवड भरा.
- आवश्यक कागदपत्रे जोडा: ओळखपत्र (आधार किंवा इतर वैध ओळखपत्र), पत्त्याचा पुरावा, BPL किंवा दारिद्र्यरेषेखालील श्रेणीचा पुरावा.
- फॉर्म जमा करा: पूर्ण भरलेला फॉर्म आणि सर्व कागदपत्रे जवळच्या LPG वितरकाकडे जमा करा.
PMUY साठी अर्ज करण्यासाठी कोणती कागदपत्रे आवश्यक आहेत?
- KYC
- रेशन कार्ड किंवा राज्य सरकारने जारी केलेला कोणताही पुरावा
- आधार कार्ड (ओळख आणि पत्ता या दोन्हींसाठी)
- बँक खाते क्रमांक आणि IFSC
या योजनेमुळे गरीब कुटुंबांना गॅस मिळणे सोपे झाले आहे. त्यामुळे चुलीतील धुरापासून महिलांची सुटका झाली आहे. घरोघरी गॅस कनेक्शन झाल्याने त्यांचे जिवनमान उंचावले आहे. या योजनेचे स्वागत महिलांनी केले असून संपूर्ण कुटुंबाला याचा फायदा झालेला आहे. यासाठी आवश्यक कागदपत्रे दिल्यास या योजनेचा लाभ घेता येतो. अधिक माहितीसाठी वर दिलेल्या संकेतस्थळाला भेट द्या.
हेही वाचा - अनुभवाशिवाय नोकरी मिळत नाहीये?, PM इंटर्नशिप योजना 2025 देईल संधी; जाणून घ्या अर्ज कसा करायचा?