Type C Charger: तुमच्या चार्जरमधल्या 'C' चा अर्थ काय? 90% लोकांना माहीत नाही!

Type C Charger: आजकाल मोबाईल फोनसाठी टाइप-सी चार्जर एक स्टँडर्ड बनला आहे. फक्त फोनच नाही, तर लॅपटॉपसह अनेक गॅझेट्समध्येही याचा वापर होतो. पण तुम्हाला माहीत आहे का, की या टाइप-सी मधल्या 'C' चा नेमका अर्थ काय आहे?

टाइप सी नावाचा अर्थ काय

एक इंटरेस्टिंग गोष्ट म्हणजे टाइप-सी मधल्या 'C' अक्षराचा कोणताही फुल फॉर्म नाही. यामागचं कारण म्हणजे, हे चार्जिंग तंत्रज्ञानामधलं तिसरं आणि सर्वात यशस्वी जनरेशन आहे. याआधी टाइप-ए आणि टाइप-बी चार्जर होते, ज्यांना त्यांच्या जनरेशन आणि आकारानुसार नावं दिली होती.

तिसऱ्या पिढीचा चार्जर

तुम्हाला वाटत असेल की 'C' चा काही खास अर्थ आहे किंवा त्याचा आकार इंग्रजी 'C' अक्षरासारखा दिसतो म्हणून हे नाव दिलंय, तर तसं नाही. हे चार्जिंग तंत्रज्ञान तिसऱ्या पिढीचं आहे. याआधी टाइप-ए आणि टाइप-बी चार्जर होते. त्यामधील समस्या दूर करण्यासाठी टाइप-सी चार्जिंग डिझाइन केलं गेलं आणि म्हणूनच याला टाइप-सी असं नाव मिळालं.

समस्या सोडवण्यासाठी टाइप सी चार्जर

टाइप-ए आणि टाइप-बी चार्जिंगमधली सर्वात मोठी अडचण दूर करण्यासाठी टाइप-सी डिझाइन केलं गेलं. टाइप-ए आणि बी चार्जर वापरताना, ते योग्य दिशेनं पोर्टमध्ये लावावे लागत. चुकीच्या दिशेनं लावल्यास पोर्ट किंवा केबल खराब व्हायची. ही समस्या सोडवण्यासाठी, सर्व डिव्हाइसना चालेल आणि केबलच्या दिशेची चिंता करावी लागणार नाही, अशा चार्जिंग स्टँडर्डची गरज होती. ॲपलच्या लाइटनिंग पोर्टमुळे या संकल्पनेला आणखी वेग आला.

टाइप सी चे फायदे

टाइप-सी पोर्टचा फायदा फक्त केबल कोणत्याही दिशेनं लावता येते एवढाच नाही. जुन्या चार्जिंग तंत्रज्ञानाच्या तुलनेत यातून जास्त वेगाने पॉवर ट्रान्सफर होते. तसंच, टाइप-सी मधून डेटा ट्रान्सफरचा स्पीडही खूप जास्त आहे, जो 10 Gbps किंवा त्याहून अधिक असू शकतो. यामुळे तुम्ही फक्त फोन चार्जच नाही, तर मॉनिटर, टीव्ही आणि इतर अनेक डिव्हाइसना सहज कनेक्ट करू शकता.

टाइप डी चार्जर येणार का

सध्या तरी टाइप-सी नंतर टाइप-डी सारखं कोणतंही नवीन तंत्रज्ञान येण्याची शक्यता कमी आहे. याचं एक महत्त्वाचं कारण म्हणजे युरोपियन युनियनचा कायदा, ज्यानं टाइप-सीला चार्जिंग स्टँडर्ड म्हणून घोषित केलं आहे. इतकंच नाही, तर टाइप-सी चार्जिंग स्टँडर्डमध्ये सतत सुधारणा होत आहे. याचा अर्थ, त्याचा आकार तोच राहत असला तरी, त्याचा वेग आणि फीचर्स वेळेनुसार अधिक चांगले होत आहेत. त्यामुळे टाइप-सी पोर्ट भविष्यासाठीही एकदम परफेक्ट आहे.