Thirdhand smoke: सिगारेट ओढत नाही म्हणजे तुम्ही निरोगी आहात असं नाही. आपला परिसर कसा आहे हे पाहणंही महत्त्वाचं आहे. आजूबाजूचा धोका ओळखला नाही, तर संपूर्ण कुटुंब धोक्यात येऊ शकतं.
धूम्रपान करणाऱ्यांच्या घरात कुटुंब आजारी पडण्याची शक्यता
जीवनशैली बदलली म्हणजे आरोग्य चांगले असे नाही. परिसर स्वच्छ असावा. लहान मुलांची विशेष काळजी घ्यावी. धूम्रपान करणाऱ्यांच्या घरात संपूर्ण कुटुंब आजारी पडू शकते, असा तज्ज्ञांचा इशारा आहे.
27
थर्ड-हँड स्मोकिंगमुळे आणखी मोठा धोका
सिगारेट ओढत नाही म्हणून सुरक्षित समजणे चूक आहे. तुम्ही धूम्रपान करत नसला तरी, घरात किंवा बसलेल्या ठिकाणी त्याचे अंश असतील तर आरोग्याला धोका आहे. यालाच 'थर्ड-हँड स्मोकिंग' म्हणतात.
37
एकाच वेळी परिणाम दिसत नसला तरी दीर्घकाळात नुकसान
थर्ड-हँड स्मोक म्हणजे धुरातील विषारी कण जे भिंती, फर्निचर, कपड्यांवर चिकटतात. धूम्रपान थांबवल्यावरही ते घरात राहतात. श्वासावाटे किंवा स्पर्शाने शरीरात जाऊन ते दीर्घकाळात नुकसान करतात.
लहान मुलांना याचा सर्वाधिक धोका असतो. ते जमिनीवर रांगतात, वस्तू तोंडात घालतात. यामुळे खोकला, दमा, आणि संसर्ग होऊ शकतो. वृद्धांनाही श्वास घेण्यास त्रास वाढतो व आजार बळावतात.
57
गर्भातील बाळाच्या आरोग्यावरही वाईट परिणाम
गर्भवती महिला थर्ड-हँड स्मोकच्या संपर्कात आल्यास गर्भातील बाळाच्या आरोग्यावर वाईट परिणाम होतो. कमी वजनाचे बाळ, वेळेआधी प्रसूती आणि फुफ्फुसांच्या विकासात अडथळा येऊ शकतो.
67
गंभीरता ओळखून कॅलिफोर्नियाने आणला विशेष कायदा
कॅलिफोर्नियाने यावर कायदा केला आहे. भारतात लहान घरे व जास्त लोकसंख्येमुळे धोका अधिक आहे. बाल्कनीत धूम्रपान केले तरी कुटुंबावर परिणाम होतो. यासाठी भारतातही कायदा हवा, असे तज्ज्ञ म्हणतात.
77
थर्ड-हँड स्मोकपासून वाचण्यासाठी फक्त एकच मार्ग
थर्ड-हँड स्मोकपासून वाचण्यासाठी एकच मार्ग आहे. घरात आणि कारमध्ये धूम्रपान पूर्णपणे बंद करा. साफसफाई पुरेशी नाही. धूम्रपान करणाऱ्यांच्या जवळ असाल तरी तुम्ही धोक्यात आहात.
