लहान फॅमिलीसाठी आरामदायी कार हवीये? 5.5 लाख किंमत, 22 km मायलेज, ड्युअलर एअरबॅग असलेली ही कार निवडा!

Tata Tiago A Perfect Budget Car : लहान फॅमिलीसाठी कार हवी आहे? कमी किंमत, उत्तम मायलेज, पुरेशा सुविधा आणि सुरक्षिततेची वैशिष्ट्ये यांचा योग्य समतोल साधल्यामुळे ही कार एक उत्तम पर्याय ठरतो. शिवाय ही दमदार कार ड्युअल एअरबॅगची सुविधाही देते.

टाटा टियागो

लहान कुटुंब असलेल्या लोकांसाठी ही कार एक उत्तम पर्याय आहे. खर्च, मायलेज, आराम आणि सुरक्षितता या सर्वांचा समतोल साधणारी कार म्हणून टाटा टियागो महत्त्वाची ठरते. शहरातील वाहतुकीत सहज चालवता येण्याजोगा आकार, विश्वासार्ह कामगिरी आणि कमी देखभाल खर्च यामुळे ही कार अनेकांची पसंती आहे.

टाटा टियागोची किंमत

किंमतीबद्दल बोलायचे झाल्यास, टाटा टियागो ही एक बजेट हॅचबॅक कार आहे. मॉडेल आणि शहरानुसार, तिची किंमत सुमारे ५.५ लाख ते ७.५ लाख रुपयांपर्यंत आहे. पहिल्यांदा कार खरेदी करणारे, तरुण कर्मचारी आणि लहान कुटुंबासाठी ही किंमत अत्यंत योग्य आहे.

रोजच्या प्रवासासाठी कार

यात १.२-लिटर पेट्रोल इंजिन आहे, जे ८६ पीएस पॉवर आणि ११३ एनएम टॉर्क निर्माण करते. ५-स्पीड मॅन्युअल आणि एएमटी गिअरबॉक्समुळे शहरात चालवणे सोपे होते. ही कार १८ ते २२ किमी मायलेज देते. यात प्रशस्त इंटीरियर, आरामदायी सीट्स आणि पुरेसा बूट स्पेस आहे.

बजेट हॅचबॅक कार

७-इंचाची टचस्क्रीन, अँड्रॉइड ऑटो, ॲपल कारप्ले यांसारखी वैशिष्ट्ये प्रवास सोपा करतात. सुरक्षिततेसाठी ड्युअल एअरबॅग्ज, एबीएस, ईबीडी आणि रिअर पार्किंग सेन्सर्स आहेत. कमी खर्चात सुरक्षित आणि विश्वासार्ह प्रवासासाठी टाटा टियागो एक योग्य पर्याय आहे.