फक्त 10 हजार रुपये EMI, घरी आणा TATA ची सर्वाधिक विकली जाणारी दणकट Nexon SUV!

Tata Nexon EMI Starts at Just Rs 10000 Per Month : भारतातील लोकप्रिय कॉम्पॅक्ट एसयूव्ही टाटा नेक्सॉन आपल्या सुरक्षा आणि प्रीमियम फीचर्समुळे ग्राहकांना आकर्षित करत आहे. ही कार तुम्ही दरमहा फक्त १०,००० रुपयांच्या EMI वर सहज खरेदी करू शकता.

टाटा नेक्सॉन ईएमआय

टाटा नेक्सॉन सध्या भारतातील सर्वाधिक विकल्या जाणाऱ्या कॉम्पॅक्ट एसयूव्हीपैकी एक आहे. तिची प्रशस्त केबिन, आरामदायी सीट्स आणि आकर्षक डिझाइन प्रवाशांचे लक्ष वेधून घेतात. टॉप मॉडेल्समध्ये पॅनोरॅमिक सनरूफ, जेबीएल साउंड सिस्टीम यांसारखी प्रीमियम वैशिष्ट्ये मिळतात. सुरक्षेसाठी तिला BNCAP 5-स्टार रेटिंगही मिळाले आहे.

टाटा नेक्सॉन

भारतीय कार उद्योगात टाटा मोटर्स सध्या वेगाने पुढे जात असून, मारुती सुझुकीनंतर दुसऱ्या क्रमांकावर आहे. नोव्हेंबर २०२५ मध्ये ह्युंदाई आणि महिंद्राला मागे टाकत तिने दुसरे स्थान पटकावले आहे. यात नेक्सॉन मॉडेलचा मोठा वाटा आहे. ही कार पेट्रोल, डिझेल, सीएनजी आणि इलेक्ट्रिक (EV) अशा विविध पॉवरट्रेनमध्ये उपलब्ध आहे. नेक्सॉन खरेदी करू इच्छिणाऱ्यांसाठी फक्त १०,००० रुपयांच्या मासिक हप्त्यावर ती घरी आणण्याची सोय आहे.

नेक्सॉनची किंमत

टाटा नेक्सॉनच्या बेस मॉडेलची ऑन-रोड किंमत सुमारे ९ लाख रुपयांपासून सुरू होते, तर टॉप मॉडेलची किंमत १६ लाख रुपयांपर्यंत जाते. बेस मॉडेल खरेदी केल्यास EMI कमी असेल. उदाहरणार्थ, ३ लाख रुपये डाउन पेमेंट करून, ६ लाख रुपयांचे कर्ज १०% व्याजदराने ७ वर्षांसाठी घेतल्यास, मासिक हप्ता सुमारे १०,००० रुपये येतो.

नेक्सॉनचे फीचर्स

नेक्सॉनच्या मुख्य वैशिष्ट्यांमध्ये आरामदायी सस्पेंशन, हायवेवरही उत्तम स्थिरता, सहा एअरबॅग्ज आणि उच्च दर्जाची सुरक्षा प्रणाली यांचा समावेश आहे. पेट्रोल, डिझेल आणि सीएनजी ही तिन्ही इंजिने उत्तम बिल्ड क्वालिटी देतात. त्यामुळे लांबच्या प्रवासातही नेक्सॉन चांगला अनुभव देते.

नेक्सॉन बेस मॉडेल

बेस मॉडेल Smart Plus मध्ये १.२-लिटर टर्बो पेट्रोल इंजिन आहे. हे ११८ bhp पॉवर देते. त्याचे ARAI मायलेज सुमारे १७.४४ kmpl आहे. यात LED हेडलॅम्प, सहा एअरबॅग्ज, ESP आणि मॅन्युअल गिअरबॉक्स यांसारखी महत्त्वाची वैशिष्ट्ये आहेत. किंमतीच्या तुलनेत सुरक्षा आणि मूलभूत सुविधा देणारा हा एक चांगला पर्याय आहे.