Scooter Market: भारताच्या इलेक्ट्रिक दुचाकी मार्केटने मे 2026 मध्ये एक नवा उच्चांक गाठला आहे. TVS ने आपलं पहिलं स्थान कायम ठेवलं असलं तरी, बजाज चेतकच्या विक्रीतील वाढीने सर्वांचं लक्ष वेधून घेतलं आहे.
भारतात इलेक्ट्रिक दुचाकींची मागणी सतत वाढत आहे. मे 2026 मध्ये 1.70 लाखांपेक्षा जास्त गाड्या विकल्या गेल्या. गेल्या वर्षीच्या तुलनेत ही 62.76 टक्के वाढ आहे. या आकडेवारीवरून स्पष्ट होतं की, भारतीय ग्राहक आता EV गाड्यांवर अधिक विश्वास दाखवत आहेत.
25
TVS पुन्हा नंबर वन
मे महिन्याच्या विक्रीच्या आकडेवारीत TVS मोटरने पुन्हा एकदा आपलं वर्चस्व सिद्ध केलं आहे. कंपनीने 42,459 इलेक्ट्रिक स्कूटर्स विकून बाजारात 24.87 टक्के हिस्सा मिळवला आहे. याचा अर्थ, भारतात विकल्या जाणाऱ्या प्रत्येक चार EV स्कूटर्सपैकी एक TVS ची आहे.
35
बजाज चेतकची दमदार मुसंडी
बजाज ऑटोच्या चेतक इलेक्ट्रिक स्कूटरने बाजारात जोरदार मुसंडी मारली आहे. कंपनीने 39,202 युनिट्स विकले असून, 73.14 टक्क्यांची वाढ नोंदवली आहे. सध्या TVS आणि बजाज यांच्यातील विक्रीतला फरक फक्त 3,257 युनिट्सचा राहिला आहे.
एथर एनर्जीने 28,240 युनिट्स विकून 100 टक्क्यांहून अधिक वाढ नोंदवली आहे. तर हिरो मोटोकॉर्पच्या विडा (Vida) ब्रँडनेही 19,067 युनिट्स विकून १५८ टक्क्यांची जबरदस्त वाढ दाखवली आहे. या दोन्ही कंपन्यांमुळे भविष्यात EV मधील स्पर्धा आणखी तीव्र होण्याची शक्यता आहे.
55
ओला इलेक्ट्रिकला मोठा धक्का
इतर कंपन्यांची विक्री वाढत असताना, ओला इलेक्ट्रिकला मात्र मोठा फटका बसला आहे. मे 2026 मध्ये कंपनीने फक्त 15,141 युनिट्स विकले, ज्यामुळे तिचा बाजारातील हिस्सा 8.87 टक्क्यांपर्यंत घसरला आहे. भारतीय EV बाजार वेगाने वाढत असताना, पुढील काही महिन्यांत क्रमवारीत आणखी बदल होण्याची शक्यता आहे.
