Scooter Market: एप्रिल 2026 मध्ये भारतीय स्कूटर बाजारात होंडा ऍक्टिव्हाने पुन्हा एकदा पहिलं स्थान पटकावलं. तर हिरो डेस्टिनीने तब्बल 48.87% वाढीसह सर्वात वेगाने वाढणारी स्कूटर म्हणून सर्वांनाच आश्चर्याचा धक्का दिला.
भारतीय दुचाकी बाजारातील स्कूटर सेगमेंटने एप्रिल 2026 मध्ये जबरदस्त कामगिरी केली. गेल्या महिन्यात टॉप 10 स्कूटर्सची एकूण विक्री 5,94,443 युनिट्सवर पोहोचली. एप्रिल 2025 मध्ये विकल्या गेलेल्या 4,86,363 युनिट्सच्या तुलनेत ही 22.2 टक्क्यांची मोठी वार्षिक वाढ आहे. याही वेळी, होंडा ऍक्टिव्हाने बाजारावर आपलं वर्चस्व कायम ठेवलं, तर हिरो डेस्टिनी सर्वात वेगाने वाढणारी स्कूटर ठरली.
28
होंडा ॲक्टिव्हाचा दबदबा कायम
भारतात स्कूटर म्हटलं की पहिलं नाव ऍक्टिव्हाचंच येतं. एप्रिल 2026 मध्येही ऍक्टिव्हाने आपला दबदबा कायम ठेवला. गेल्या महिन्यात होंडा ऍक्टिव्हाने 2,20,774 युनिट्सची विक्री नोंदवली. एप्रिल 2025 मध्ये विकल्या गेलेल्या 1,94,787 युनिट्सच्या तुलनेत ही 13.3टक्के वाढ आहे. विशेष म्हणजे, टॉप 10 स्कूटर्सच्या एकूण विक्रीपैकी 37.1 टक्के वाटा एकट्या ऍक्टिव्हाचा होता. म्हणजेच, विकली जाणारी प्रत्येक तिसरी स्कूटर ऍक्टिव्हा होती.
38
टीव्हीएस ज्युपिटर दुसऱ्या स्थानावर कायम
टीव्हीएस ज्युपिटरने 1,17,383 युनिट्स विकून यादीत दुसरं स्थान मिळवलं. गेल्या वर्षीच्या तुलनेत 14.4 टक्के वाढ नोंदवत ज्युपिटरने स्कूटर बाजारातील जवळपास 20 टक्के वाटा काबीज केला. तर, सुझुकी ऍक्सेस 70,339 युनिट्सच्या विक्रीसह तिसऱ्या क्रमांकावर राहिली. ऍक्सेसने 8 टक्के वाढ नोंदवली.
देशात इलेक्ट्रिक स्कूटर्सची लोकप्रियता वाढतच आहे. एप्रिल 2026 मध्ये टीव्हीएस आयक्यूबने 37,93 युनिट्स विकले आणि 34.7 टक्के वाढ नोंदवली. बजाज चेतकने तर त्याहूनही चांगली कामगिरी करत 34,304 युनिट्स विकले, जी मागील वर्षाच्या तुलनेत 78.5 टक्के जास्त आहे. चेतक आता भारतातील सर्वाधिक विकल्या जाणाऱ्या इलेक्ट्रिक स्कूटर्सपैकी एक बनली आहे. बजाजने अलीकडेच आपल्या चेतक इलेक्ट्रिक स्कूटर सिरीजची नावंही बदलली आहेत, ज्यामुळे ग्राहकांना मॉडेल्स समजून घेणं सोपं होईल.
58
स्पोर्टी स्कूटर्सवर एनटॉर्कचा मोठा प्रभाव
तरुणांमध्ये लोकप्रिय असलेल्या टीव्हीएस एनटॉर्कनेही चांगली कामगिरी सुरू ठेवली. या स्कूटरने 33,994 युनिट्स विकून 33.9 टक्के वाढ नोंदवली. पण, सर्वात आश्चर्यकारक कामगिरी केली ती हिरो डेस्टिनीने. एप्रिल 2025 मध्ये फक्त 4,393 युनिट्स विकणारी डेस्टिनी, एप्रिल 2026 मध्ये थेट 25,861 युनिट्सवर पोहोचली. अशाप्रकारे, या स्कूटरने तब्बल 488.8 टक्क्यांची रेकॉर्डब्रेक वार्षिक वाढ नोंदवली.
68
डेस्टिनी 125 आणि नवीन डेस्टिनी 110
कंपनीने बाजारात आणलेल्या अपडेटेड डेस्टिनी १२५ आणि नवीन डेस्टिनी ११० या मॉडेल्सना ग्राहकांकडून मिळालेल्या चांगल्या प्रतिसादामुळे विक्रीत ही मोठी वाढ झाल्याचं मानलं जात आहे.
78
बर्गमनच्या विक्रीत घट
एकीकडे बहुतेक स्कूटर्सची विक्री वाढत असताना, सुझुकी बर्गमनच्या विक्रीत मात्र घट झाली. नुकतंच फेसलिफ्ट अपडेट मिळूनही, बर्गमनची विक्री 23,050 युनिट्सवरून 19,337 युनिट्सवर घसरली, ही 16.1 टक्क्यांची घट आहे. दुसरीकडे, इलेक्ट्रिक स्कूटर सेगमेंटमध्ये एथर रिझ्टा (Ather Rizta) 17,960 युनिट्सच्या विक्रीसह 78.7 टक्के वाढ नोंदवत आपली पकड मजबूत करत आहे.
88
यामाहा RZR
यामाहा रेझेडआरने 17,298 युनिट्सच्या विक्रीसह टॉप 10 च्या यादीत स्थान मिळवले. या स्कूटरने वर्षभरात जवळपास 22 टक्के वाढ नोंदवली आहे.
