Salary Management: पगार जमा झाल्यावर काही गोष्टी केल्या तर आयुष्य सेट होऊ शकतं आणि आर्थिक अडचणी कधीच येणार नाहीत, असं तज्ज्ञ सांगतात. बचत, गुंतवणूक, बिलं भरणे यांसारखे 8 नियम पाळल्यास तुमचं आर्थिक भविष्य सुरक्षित राहील.
अकाउंटमध्ये पगार जमा झाल्यावर सर्वात आधी करायची 8 कामं
महिनाभर ऑफिसमध्ये कष्ट केल्यावर, 1 तारखेला बँक खात्यात पगार जमा झाल्याचा मेसेज पाहिल्यावरचा आनंद वेगळाच असतो. पण हा आनंद किती दिवस टिकतो? अनेकांचा अर्धा पगार आठवडाभरातच संपतो. महिन्याच्या शेवटी खिसा रिकामा होतो. ही परिस्थिती बदलायची असेल, तर पगार जमा होताच काही महत्त्वाची आर्थिक कामं करायला हवीत. आजच्या काळात मनी मॅनेजमेंट माहीत असणं खूप गरजेचं आहे. पगार जमा झाल्यावर तुम्ही कोणती 8 महत्त्वाची कामं केली पाहिजेत, ते इथे जाणून घेऊया.
26
सर्वात आधी स्वतःसाठी बचत करा, हाच नियम!
पगार खात्यात जमा होताच, सर्वात आधी किमान 10% ते 20% रक्कम बचत किंवा गुंतवणुकीसाठी बाजूला काढा. 'खर्च करून उरलेले पैसे वाचवणे नाही, तर आधी बचत करून उरलेल्या पैशात खर्च करणे' हे खरं सूत्र आहे. संपत्ती निर्माण करण्याची ही पहिली पायरी आहे. तसेच, आजच्या काळात फक्त एका पगारावर अवलंबून राहणं जोखमीचं आहे. साईड बिझनेस, फ्रीलान्सिंग, एफिलिएट मार्केटिंग, डिजिटल प्रोडक्ट्स किंवा चांगल्या गुंतवणुकीतून दुसरं उत्पन्न (Second Income) मिळवण्याचं नियोजन करा. यामुळे तुमचं नियमित उत्पन्न थांबलं तरी तुमच्या जीवनशैलीवर परिणाम होणार नाही.
36
सर्व बिलं आणि EMI वेळेवर भरा, चिंता टाळा
पगार मिळताच बिलं भरणं हे दुसरं महत्त्वाचं काम आहे. लाईट बिल, इंटरनेट बिल, घरभाडं, EMI आणि क्रेडिट कार्ड बिलं असतील तर अजिबात उशीर न करता लगेच भरा. यामुळे तुम्हाला लेट-फीचा भुर्दंड बसणार नाही आणि तुमचा सिबिल स्कोअर (CIBIL Score) सुद्धा चांगला राहील. यामुळे महिनाभर कोणतंही मानसिक टेन्शन राहत नाही. तसेच, क्रेडिट कार्डची थकबाकी, पर्सनल लोन किंवा 'बाय नाऊ पे लेटर' (Buy Now Pay Later) सारखी जास्त व्याज असलेली कर्जं सर्वात आधी फेडा.
आयुष्यात कधी कोणती परिस्थिती येईल, हे कुणालाच माहीत नसतं. नोकरी जाणं, आजारपण, कुटुंबातील आणीबाणी किंवा व्यवसायात नुकसान झाल्यास कोणासमोर हात पसरावे लागू नयेत यासाठी इमर्जन्सी फंड तयार ठेवा. तुमच्या महिन्याच्या खर्चाच्या किमान सहा पट रक्कम इमर्जन्सी फंड म्हणून बाजूला ठेवा. तसेच, तुमच्याकडे दोन प्रकारच्या इन्शुरन्स पॉलिसी असायलाच हव्यात. हॉस्पिटलचा खर्च भागवण्यासाठी हेल्थ इन्शुरन्स आणि तुमच्यानंतर तुमच्या कुटुंबाला आर्थिक सुरक्षा देण्यासाठी लाईफ इन्शुरन्स आवश्यक आहे. कोणत्याही मेडिकल इमर्जन्सीच्या वेळी तुमची बचत शून्य होण्यापासून या पॉलिसी वाचवतात.
56
नवीन स्किल्स शिका आणि खर्चाचा आढावा घ्या
करिअरमध्ये वेगाने पुढे जायचं असेल, तर वेळोवेळी नवीन स्किल्स शिकून अपडेट राहणं गरजेचं आहे. यासाठी तुमच्या पगारातील काही पैसे बाजूला ठेवा. चांगली पुस्तकं वाचा, ऑनलाइन कोर्स करा किंवा सर्टिफिकेशन प्रोग्रॅममध्ये सहभागी व्हा. लक्षात ठेवा, स्वतःवर केलेला खर्च हीच सर्वोत्तम गुंतवणूक असते. त्याचबरोबर, प्रत्येक पगारानंतर एकदा आढावा घ्या. 'मी किती कमावले? किती वाचवले? कुठे जास्त खर्च झाला?' असे प्रश्न स्वतःला विचारा. या आढाव्याशिवाय आर्थिक सुधारणा करणं शक्य नाही.
66
तुमच्या पगाराचं बजेट असं तयार करा
तुमच्या संपूर्ण पगाराची विभागणी कशी करायची, याचं एक उत्तम उदाहरण पाहूया. हा प्लॅन फॉलो केल्यास तुमचं आर्थिक आयुष्य नक्कीच सुधारेल. - गुंतवणूक/बचत: 20% - बिलं आणि EMI: 40% - दैनंदिन खर्च: 25% - इमर्जन्सी फंड: 5% - नवीन स्किल्स शिकण्यासाठी: 5% - मजा/मनोरंजन: 5% अशा प्रकारे तुमच्या पगाराची विभागणी करा. या 8 सोप्या सवयी तुम्ही काटेकोरपणे पाळल्या, तर फक्त ५ वर्षांत तुमची आर्थिक स्थिती अपेक्षेपेक्षा जास्त सुधारेल. महत्त्वाचं म्हणजे, पगार किती येतो यापेक्षा, आलेल्या पगाराचं तुम्ही नियोजन कसं करता, यावरच तुमचं आर्थिक भविष्य अवलंबून असतं, असं आर्थिक तज्ज्ञ सांगतात.
