Astrology: 21 जून, वर्षातील सर्वात मोठा दिवस! या दिवशी 'हे' काम अवश्य करा

Astrology: 21 जून हा वर्षातील सर्वात मोठा दिवस असतो. या दिवशी सूर्यदेवाची पूजा, दानधर्म आणि पूर्वजांचे स्मरण केल्यास विशेष लाभ मिळतात. पण या दिवशी कोणती कामं टाळायला हवीत, हे जाणून घेऊया.

वर्षातील सर्वात मोठा दिवस 21 जून

21 जूनला फक्त खगोलशास्त्रीयच नाही, तर धार्मिक आणि ज्योतिषशास्त्रीय महत्त्वही आहे. हा वर्षातील सर्वात मोठा दिवस असून, सूर्याच्या विशिष्ट स्थितीमुळे याचं महत्त्व आणखी वाढतं. या दिवशी सूर्यकिरण कर्कवृत्तावर थेट पडतात, त्यामुळे दिवसाचा कालावधी सुमारे 14 तासांचा असतो.

21 जून महत्त्वाचा का आहे?

21 जून रोजी सूर्य एका विशेष स्थितीत असतो. या दिवशी सूर्यकिरण पृथ्वीच्या ज्या भागावरून कर्कवृत्त जाते, त्यावर थेट पडतात. त्यामुळे दिवस सर्वात मोठा आणि रात्र सर्वात लहान असते. दुपारी सूर्य डोक्यावर आल्यावर काही काळासाठी सावलीही नाहीशी होते. या दिवसानंतर दिवस हळूहळू मोठे होऊ लागतात आणि रात्री लहान होतात.

दक्षिणायनाची सुरुवात

धार्मिक मान्यतेनुसार, या खगोलीय घटनेनंतर सूर्य उत्तरायणातून दक्षिणायनात प्रवेश करतो. हिंदू धर्मात दक्षिणायनाला विशेष महत्त्व आहे. या काळात केलेले दान आणि धार्मिक कार्यांमुळे मोठं आध्यात्मिक पुण्य मिळतं, असं मानलं जातं.

या दिवशी काय करायला हवं?

• 21 जूनला काही धार्मिक कार्यं करणं शुभ मानलं जातं. • सकाळी लवकर उठून स्नान करा. • तांब्याच्या भांड्यात पाणी, कुंकू, अक्षता आणि लाल फुलं घेऊन सूर्यदेवाला अर्घ्य द्या. • गरजूंना तीळ, छत्री आणि पादत्राणे यांसारख्या वस्तू दान करा. • आपल्या पूर्वजांचे स्मरण करून त्यांची पूजा करा. • सूर्यदेवाची पूजा करून सुख-समृद्धीसाठी प्रार्थना करा.

या दिवशी काय करू नये?

• तामसिक अन्न, म्हणजेच मद्य, मांस, मासे इत्यादींचे सेवन करू नका. • कांदा आणि लसूण खाणे टाळा. • गरजू किंवा गरीब व्यक्तींचा अपमान करू नका. • राग आणि कठोर शब्दांपासून दूर राहा. • बोलण्यात संयम ठेवा आणि सकारात्मक राहा.