Republic Day Parade 2026 : राजधानी दिल्लीत मुलांना 26 जानेवारीच्या परेडला कसं न्यायचं?, ही आहे अगदी सोपी प्रक्रिया

Republic Day Parade 2026 : तुम्हाला तुमच्या मुलांना देशाची राजधानी नवी दिल्लीत होणाऱ्या भव्य प्रजासत्ताक दिनाच्या सोहळ्याला घेऊन जायचे आहे का? मग लगेच तिकीट बुक करा. किंवा ऑफलाइन तिकीट कुठे मिळतात हे जाणून घेऊयात. 

26 जानेवारी 1950 रोजी भारताचे संविधान लागू -

Republic Day Parade 2026 : 26 जानेवारी 1950 रोजी भारताचे संविधान लागू झाले. हा दिवस नवी दिल्लीत कर्तव्य पथावर लष्करी परेड आणि सांस्कृतिक कार्यक्रमांनी साजरा केला जातो. तुम्हीही यात सहभागी होऊ शकता.

प्रजासत्ताक दिनाच्या सोहळ्यासाठी तिकीट कसे बुक करायचे? -

ऑनलाइन तिकीट www.aamantran.mod.gov.in वर उपलब्ध आहे. ऑफलाइन तिकीटं सेना भवन, जंतर मंतर, संसद भवन आणि काही मेट्रो स्टेशनवर ओळखपत्र दाखवून मिळतील. विक्री ५ ते १४ जानेवारी दरम्यान होईल.

प्रजासत्ताक दिन सोहळ्याच्या तिकिटांचे दर -

कर्तव्य पथावरील प्रजासत्ताक दिनाच्या सोहळ्यासह बीटिंग रिट्रीटसाठीही तिकीटं उपलब्ध आहेत. २६ जानेवारी प्रजासत्ताक दिन: ₹१०० आणि ₹२०. २८ जानेवारी बीटिंग रिट्रीट सराव: ₹२०. २९ जानेवारी बीटिंग रिट्रीट: ₹१००.

प्रजासत्ताक दिन 2026 सोहळ्यात तेलंगणाचे ओग्गुडोलू -

यावर्षीच्या प्रजासत्ताक दिनाच्या सोहळ्यात तेलंगणाची 'ओग्गुडोलू' ही पारंपरिक कला सादर केली जाणार आहे. यासाठी विविध जिल्ह्यांतील कलाकारांची निवड झाली असून, ते दिल्लीत सराव करत आहेत.