Radhika Merchant: अंबानींच्या सूनबाई भारतात परतल्या! अमेरिकेतील करिअर का सोडलं?

Radhika Merchant: अंबानी कुटुंबाची धाकटी सून राधिका मर्चंट अमेरिकेत एक यशस्वी करिअर घडवण्याचं स्वप्न पाहत होती. पण अचानक तिने भारतात परतण्याचा निर्णय घेतला. यामागे डोनाल्ड ट्रम्प यांची भीती होती का? जाणून घेऊया राधिकाने स्वतःच सांगितलेले कारण.

अमेरिकेत करिअर करण्याची इच्छा, मात्र...

राधिकाने न्यूयॉर्क युनिव्हर्सिटीमधून पदवी घेतली होती. तिला तिथेच करिअर करायचं होतं. पण, त्याच काळात डोनाल्ड ट्रम्प अध्यक्ष होण्याची शक्यता वाढली होती. त्यामुळे निर्माण झालेल्या राजकीय गोंधळामुळे तिने भारतात परतण्याचा निर्णय घेतला. एका मुलाखतीत तिने हा खुलासा केला.

भारतात परतण्याचा विचार पक्का

राधिका सांगते, 'त्यावेळी भारतात भाजपला मोठा पाठिंबा होता. आधार, UPI, जिओमुळे डिजिटल क्रांती होत होती. भारताचा आर्थिक विकास दर 8.5% होता. पंतप्रधान मोदी अमेरिकेत आले तेव्हा मी मॅडिसन स्क्वेअर पार्कमधील त्यांच्या रॅलीत सहभागी झाले होते. तेव्हाच भारतात परतण्याचा विचार पक्का झाला.'

भारतात परतण्याचा निर्णय फक्त करिअरसाठी नव्हता...

'माझा भारतात परतण्याचा निर्णय फक्त करिअरसाठी नव्हता, तर देशासाठी काहीतरी करण्याची जबाबदारी म्हणूनही मी परतले,' असं राधिका म्हणाली. मुलींनी आर्थिकदृष्ट्या स्वावलंबी का असावं हे सांगताना ती म्हणाली, 'मुलींनी पैशासाठी कोणावर अवलंबून राहू नये. कुणाचीतरी मुलगी किंवा पत्नी म्हणून ओळखण्यापेक्षा स्वतःची ओळख निर्माण करा.'