गर्भधारणा चाचणी: C आणि T म्हणजे काय? किती रेषा म्हणजे पॉझिटिव्ह?

घरी सोपी गर्भधारणा चाचणी करा. डॉक्टरकडे जाण्यापूर्वी ही सोपी चाचणी स्वतः करा...... 

मुलींना प्रत्येक वेळी गोंधळ होतो ते गर्भधारणा चाचणी करताना. ठरलेल्या तारखेनंतर मासिक पाळी आली नसेल तर सर्वप्रथम गर्भधारणा चाचणी केली जाते. थेट डॉक्टरकडे जाऊन काय करावे असा प्रश्न पडण्याऐवजी मेडिकल स्टोअरमध्ये मिळणाऱ्या गर्भधारणा चाचणी किटचा वापर करता येतो. सर्वसाधारणपणे गर्भधारणा चाचणी किटची किंमत ५०/- रुपयांपासून ते १५०/- रुपयांपर्यंत असते. तुमच्या गरजेनुसार खरेदी करू शकता, किंमत कितीही असली तरी निकाल दाखवणे एकच असते. 

चाचणीचा वेळ?

सकाळी उठल्यावर आपण जेव्हा पहिल्यांदा लघवी करतो तेव्हा गर्भधारणा चाचणी करावी. डॉक्टर सांगतात की दिवसातील पहिल्या लघवीमध्ये Ph चे प्रमाण जास्त असते आणि बराच वेळ पाणी न प्याल्याने किंवा लघवी न केल्याने ती पातळ झालेली नसते. किटमध्ये एक फिलर दिलेला असतो, तुमची लघवी किटमधील वर्तुळात टाकावी. टाकल्यावर लगेच उभ्या रेषेचा रंग बदलतो.

C आणि T म्हणजे काय?

लघवी वर्तुळात टाकल्यावर त्या रेषेच्या शेवटपर्यंत लाल रंग जातो. जर C जवळ लाल किंवा गुलाबी रेषा आली तर चाचणी निगेटिव्ह आहे, म्हणजे तुम्ही गर्भवती नाही. जर C आणि T दोन्ही जवळ लाल रेषा आल्या तर चाचणी पॉझिटिव्ह आहे, म्हणजे तुम्ही गर्भवती आहात. C आणि T जवळ कोणतीही रेषा आली नाही तर पुन्हा एकदा चाचणी करून पहा किंवा डॉक्टरना भेटा.