PM Kisan: तुमच्या खात्यात 2000 रुपये आले का? मोबाईलवर 2 मिनिटांत असं चेक करा

PM किसान योजनेचा 23 वा हप्ता शेतकऱ्यांच्या खात्यात जमा झाला आहे. तुम्हाला 2000 रुपये मिळाले की नाही, हे तुम्ही घरबसल्या मोबाईलवरून सहज तपासू शकता.

PM Kisan 23rd Kist Status Online: देशभरातील कोट्यवधी शेतकऱ्यांसाठी अखेर ती आनंदाची बातमी आली आहे, ज्याची ते मार्च महिन्यापासून वाट पाहत होते. सरकारने पीएम किसान सन्मान निधी योजनेच्या 23 व्या हप्त्याचे पैसे शेतकऱ्यांच्या खात्यात पाठवले आहेत. शनिवारी पंतप्रधान नरेंद्र मोदी यांनी देशातील 9.44 कोटींहून अधिक शेतकऱ्यांच्या बँक खात्यांमध्ये थेट 2,000-2,000 रुपये जमा केले आहेत. तुम्हीही शेतकरी असाल, या योजनेचे लाभार्थी असाल आणि पैसे खात्यात आले की नाही हे जाणून घ्यायचं असेल, तर काळजी करण्याची गरज नाही. तुम्ही घरबसल्या मोबाईलवरून फक्त 2 मिनिटांत तुमचं पीएम किसान स्टेटस (PM Kisan Status) तपासू शकता. जाणून घ्या सोप्या स्टेप्स...

बंगालमधून मोठी घोषणा, एकूण 18,880 कोटी रुपये ट्रान्सफर

यावेळी पंतप्रधानांनी पश्चिम बंगालच्या हुगळी जिल्ह्यातील तारकेश्वर येथून ही रक्कम जारी केली. सरकारने या हप्त्यासाठी एकूण 18,880 कोटी रुपयांचा निधी खर्च केला आहे. फक्त पश्चिम बंगालबद्दल बोलायचं झाल्यास, तिथल्या 45 लाखांहून अधिक शेतकऱ्यांच्या खात्यात 900 कोटी रुपयांपेक्षा जास्त रक्कम पोहोचली आहे. या योजनेअंतर्गत शेतकऱ्यांना वर्षाला एकूण 6,000 रुपयांची आर्थिक मदत दिली जाते. ही मदत 2,000 रुपयांच्या तीन वेगवेगळ्या हप्त्यांमध्ये थेट बँक खात्यात DBT द्वारे जमा होते.

पीएम किसान 23 व्या हप्त्याचे पैसे आले की नाही, कसे तपासाल?

• सर्वात आधी तुमच्या मोबाईल किंवा कॉम्प्युटरवर पीएम किसानची अधिकृत वेबसाइट pmkisan.gov.in ओपन करा.
• होमपेजवर खाली स्क्रोल केल्यावर तुम्हाला 'Know Your Status' (तुमची स्थिती जाणून घ्या) नावाचा एक पर्याय दिसेल, त्यावर क्लिक करा.
• आता तुमचा नोंदणी क्रमांक (Registration Number) आणि स्क्रीनवर दिसणारा कॅप्चा कोड बॉक्समध्ये भरा.
• यानंतर 'Get Data' बटणावर क्लिक करताच तुमच्यासमोर संपूर्ण माहिती येईल की तुमचा 23 वा हप्ता जमा झाला आहे की नाही.

23 व्या हप्त्याचे पैसे आले नसतील तर या 3 गोष्टी लगेच तपासा

• तुमचं e-KYC पूर्ण असणं गरजेचं आहे.
• तुमच्या जमिनीच्या नोंदी (Land Seeding) पोर्टलवर व्हेरिफाय झालेल्या असाव्यात.
• तुमचं बँक खातं आधार कार्डशी लिंक (Aadhar Seeding) असायला हवं.

शेतकऱ्यांसाठी पंतप्रधान मोदींच्या मोठ्या घोषणा

• बंगालमधील सुमारे 50 लाख शेतकऱ्यांना सुरक्षित करण्यासाठी 'प्रधानमंत्री फसल बीमा योजना' नव्याने सुरू करण्यात आली आहे.
• गावांची कनेक्टिव्हिटी सुधारण्यासाठी 315 किलोमीटरपेक्षा जास्त लांबीचे ग्रामीण रस्ते आणि रेल्वेच्या नवीन प्रकल्पांची पायाभरणी करण्यात आली आहे.
• रसायनमुक्त शेतीला प्रोत्साहन देण्यासाठी 'नॅशनल मिशन ऑन नॅचरल फार्मिंग' सारख्या योजनांवरही काम सुरू झालं आहे.