Renault Duster 2026: नव्या हायब्रीड मॉडेलच्या इंजिन आणि फीचर्सबद्दल जाणून घ्या
सार
Renault Duster 2026: नव्या जनरेशनच्या रेनो डस्टरची प्री-बुकिंग सुरू झाली आहे. सुरुवातीला ही गाडी 1.3 लिटर आणि 1.0 लिटर टर्बो-पेट्रोल इंजिनमध्ये मिळेल. यानंतर, कंपनी 160 bhp पॉवर असलेली 1.8 लिटर ई-टेक हायब्रीड आवृत्तीही लाँच करणार आहे.
Renault Duster 2026: रेनॉल्ट ही एक प्रमुख फ्रेंच ऑटोमोबाईल कंपनी असून, भारतात ती कॉम्पॅक्ट आणि स्टायलिश कारसाठी प्रसिद्ध आहे. कंपनी सध्या क्विड (हॅचबॅक), ट्रायबर (MPV), आणि किगर (SUV) या तीन मुख्य मॉडेल्सवर लक्ष केंद्रित करत आहे. 2005 पासून कार्यरत असलेल्या या कंपनीने भारतात 'मेक इन इंडिया' अंतर्गत उत्पादन केंद्र उभारले असून, नवीन 'रेनॉल्ट रिथिंक' धोरणांतर्गत नवीन डिझाइन सेंटर आणि डिजिटल शोरूम सुरू केले आहेत
नव्या जनरेशनची रेनो डस्टर लाँच व्हायला आता फक्त काही आठवडे बाकी आहेत. कंपनीने 21,000 रुपयांमध्ये प्री-बुकिंग सुरू केली असून, मार्च 2026 मध्ये किमती जाहीर केल्या जातील. टर्बो-पेट्रोल व्हेरिएंटची डिलिव्हरी एप्रिलमध्ये सुरू होईल, असं कंपनीने स्पष्ट केलं आहे. या गाडीसोबत रेनो हायब्रीड एसयूव्ही सेगमेंटमध्येही उतरत आहे. डस्टर हायब्रीडची टक्कर मारुती ग्रँड विटारा आणि टोयोटा हायरायडरसारख्या गाड्यांशी असेल. नवीन रेनो डस्टर हायब्रीड 2026 च्या दिवाळीपूर्वी विक्रीसाठी उपलब्ध होईल.
पेट्रोल टर्बो इंजिन
सुरुवातीला, नवीन रेनो डस्टर दोन टर्बोचार्ज्ड पेट्रोल इंजिन पर्यायांमध्ये उपलब्ध असेल: 1.3 लिटर आणि 1.0 लिटर. यातील 1.3 लिटर इंजिन 163 bhp पॉवर आणि 280 Nm टॉर्क निर्माण करतं, तर 1.0 लिटर इंजिन 100 bhp पॉवर आणि 160 Nm टॉर्क देतं. छोटं इंजिन फक्त 6-स्पीड मॅन्युअल गिअरबॉक्ससोबत येईल आणि ते कमी किमतीच्या व्हेरिएंटसाठी असेल. तर 1.3 लिटर टर्बो-पेट्रोल इंजिन 6-स्पीड मॅन्युअल किंवा 6-स्पीड DCT गिअरबॉक्सच्या पर्यायात मिळेल.
नवीन रेनो डस्टर हायब्रीड पॉवरट्रेन
डस्टर हायब्रीड ही तिच्या सेगमेंटमधील सर्वात शक्तिशाली हायब्रीड गाडी असेल. रेनोने कन्फर्म केलं आहे की, हायब्रीड व्हेरिएंटमध्ये 1.8-लिटरचं चार-सिलेंडर पेट्रोल इंजिन असेल, जे 109 bhp पॉवर निर्माण करेल. या इंजिनला दोन इलेक्ट्रिक मोटर्स (एक 49 bhp ची मोटर आणि एक 20 bhp चा हायब्रीड स्टार्टर जनरेटर - HSG) आणि 1.4 kWh बॅटरीची जोड दिली जाईल. हे सर्व मिळून 160 bhp ची एकूण पॉवर आणि 172 Nm टॉर्क निर्माण करतील. डस्टर हायब्रीडची स्पर्धा मारुती ग्रँड विटारा आणि टोयोटा हायरायडरशी आहे. या गाड्यांमध्ये टोयोटाचं TNGA ॲटकिन्सन सायकल पेट्रोल हायब्रीड पॉवरट्रेन वापरलं आहे. त्यात 1.5-लिटर पेट्रोल इंजिन आणि इलेक्ट्रिक मोटर मिळून 116 PS पॉवर आणि 141 Nm टॉर्क मिळतो.
रेनोची 1.8 लिटर हायब्रीड ई-टेक सिस्टीम
रेनोच्या 1.8-लिटर हायब्रीड ई-टेक सिस्टीमला 'ई-टेक 160 हायब्रीड' असं म्हणतात. ही सिस्टीम फॉर्म्युला 1 मध्ये वापरल्या जाणाऱ्या एनर्जी रिकव्हरी टेक्नॉलॉजीवर आधारित आहे. ही सिस्टीम अनेक मोड्समध्ये काम करते, जसं की प्युअर इलेक्ट्रिक (फक्त बॅटरीवर), हायब्रीड (इंजिन आणि मोटर एकत्र), इंजिन ड्राइव्ह, एनर्जी बूस्ट आणि रिजनरेटिव्ह ब्रेकिंग. गाडीचा वेग, बॅटरीची चार्जिंग आणि गाडीवरील लोड यानुसार हे मोड्स आपोआप बदलतात.
नेहमीच्या हायब्रीड सिस्टीमपेक्षा ही वेगळी आहे. यात फॉर्म्युला 1 पासून प्रेरित 'डॉग क्लच' टेक्नॉलॉजी वापरली आहे, ज्यामुळे इलेक्ट्रिक, इंजिन आणि दोन्ही मिळून चालणारे गिअर पर्याय मिळतात. ही शक्तिशाली हायब्रीड सिस्टीम जागतिक बाजारात रेनो राफेल, रेनो ऑस्ट्रल आणि रेनो एस्पेस यांसारख्या मॉडेल्समध्ये आधीपासूनच उपलब्ध आहे.