Mumbai Metro 11 extension plan: मुंबईची मेट्रो ११ (ग्रीन लाईन) वडाळ्यापासून थेट वांद्रे टर्मिनसपर्यंत धावणार आहे. जपानच्या ५,५०० कोटींच्या मदतीने या विस्तारित मार्गाला गती मिळणार असून, यामुळे मध्य, पश्चिम उपनगरे थेट जोडली जातील.
मुंबईकरांचा प्रवास होणार सुपरफास्ट! मेट्रो ११ आता थेट वांद्रे टर्मिनसपर्यंत
मुंबई: मुंबईच्या सार्वजनिक वाहतुकीचा चेहरामोहरा बदलणाऱ्या मेट्रो प्रकल्पाबाबत एक मोठी आणि आनंदाची बातमी समोर आली आहे. मुंबईकरांची लाडकी 'ग्रीन लाईन' म्हणजेच मेट्रो ११ (Metro 11) आता केवळ वडाळ्यापर्यंत मर्यादित न राहता थेट वांद्रे टर्मिनसपर्यंत धावणार आहे. या महत्त्वाकांक्षी प्रकल्पासाठी जपानने मदतीचा हात दिला असून निधीचा मार्गही मोकळा झाला आहे.
26
जपानकडून ५,५०० कोटींचे बळ!
या प्रकल्पाच्या अंमलबजावणीसाठी भारत सरकार आणि 'जपान आंतरराष्ट्रीय सहकार्य संस्था' (JICA) यांच्यात महत्त्वपूर्ण करार झाला आहे. या करारानुसार प्रकल्पासाठी सुमारे ५,५०० कोटी रुपयांचे कर्ज मंजूर करण्यात आले असून, यामुळे कामाला मोठी गती मिळणार आहे.
36
असा असेल नवीन मेट्रो मार्ग (मेट्रो ११)
मूळ मार्ग: वडाळा (आणिक डेपो) ते गेटवे ऑफ इंडिया.
नवा विस्तार: आता हा मार्ग धारावीमार्गे वांद्रे टर्मिनसपर्यंत वाढवण्यात येणार आहे.
एकूण लांबी: साधारण १७.५१ किमी.
स्थानके: एकूण १४ स्थानके प्रस्तावित असून त्यापैकी बहुतांश स्थानके भूमिगत (Underground) असतील.
नवीन भर: धारावी ते वांद्रे या ६.९ किमीच्या नवीन विस्तारामुळे ताफ्यात ५ नवीन स्थानके जोडली जातील.
