Reliance Digital iPhone festive offers : रिलायन्स डिजिटलमध्ये आयफोनवर बंपर डिस्काउंट; किंमती पाहून थक्क व्हाल

सणासुदीच्या काळात रिलायन्स डिजिटलने आयफोन मॉडेल्सवर मोठी सूट जाहीर केली आहे. आयफोन 15, 16, 17 आणि प्रो मॉडेल्सवर बँक कॅशबॅक आणि एक्सचेंज बोनससह भन्नाट ऑफर्स मिळत आहेत. अटी आणि शर्ती लागू.

मुंबई : सणासुदीचा हंगाम सुरू झाला असून, आयफोन खरेदी करण्याची इच्छा असणाऱ्यांसाठी एक आनंदाची बातमी आहे. रिलायन्स डिजिटलने त्यांच्या 'फेस्टिव्हल ऑफ इलेक्ट्रॉनिक्स' सेलमध्ये आयफोनवर खास ऑफर्स जाहीर केल्या आहेत. हा सेल ९ ऑक्टोबरला सकाळी ९ वाजता सुरू होईल. ग्राहक यात आयफोन 15, 16, 17 आणि प्रो मॉडेल्सवर (आयफोन 17 प्रो आणि आयफोन 17 प्रो मॅक्स) भन्नाट फायदे मिळवू शकतात.

आयफोन 17 आता फक्त 68,899 रुपयांत?

रिलायन्स डिजिटलमधील सर्वात मोठी ऑफर 256 GB स्टोरेज असलेल्या आयफोन 17 वर आहे. हा फोन सेलमध्ये 79,899 रुपयांना मिळेल. कंपनी यावर 3,000 रुपयांचा बँक कॅशबॅक आणि 8,000 रुपयांचा एक्सचेंज बोनसही देत आहे. तुम्ही या दोन्ही ऑफर्सचा फायदा घेतल्यास, फोनची प्रभावी किंमत (Effective Price) 68,899 रुपयांपर्यंत खाली येईल.

आयफोन 15 आणि आयफोन 16 च्या किंमतीही घसरल्या

रिलायन्सने 128 GB आयफोन 15 ची विक्री किंमत 59,899 रुपये ठेवली आहे. यावर 1,500 रुपयांचा बँक कॅशबॅक आणि 3,000 रुपयांचा एक्सचेंज बोनस मिळाल्यास, हा फोन तुम्हाला 55,399 रुपयांना पडेल. तसेच, 128 GB आयफोन 16 वरही उत्तम ऑफर आहे. त्याची सेल प्राईस 69,899 रुपये आहे. बँक कॅशबॅक (1,500 रुपये) आणि एक्सचेंज बोनस (3,000 रुपये) वजा केल्यास त्याची प्रभावी किंमत 65,399 रुपये होईल.

आयफोन 17 प्रो वरही मोठी सूट

महागड्या आयफोन 17 प्रो आणि आयफोन 17 प्रो मॅक्स मॉडेल्सवरही रिलायन्स डिजिटल खास ऑफर्स देत आहे. 256 GB आयफोन 17 प्रो ची मूळ किंमत 1,34,900 रुपये आहे. पण इन-स्टोअर डिस्काउंटनंतर (9,910 रुपये) ग्राहक तो 1,24,990 रुपयांना खरेदी करू शकतात. जर तुम्ही जुना आयफोन एक्सचेंज केला, तर 55,000 रुपयांपर्यंत एक्सचेंज व्हॅल्यू, 10,000 रुपयांचा एक्सचेंज बोनस आणि 3,000 रुपयांचा कॅशबॅक मिळू शकतो. हे सर्व फायदे मिळाल्यास फोनची किंमत थेट 56,990 रुपयांवर येईल.

आयफोन 17 प्रो मॅक्सही स्वस्त

कंपनीने 256 GB आयफोन 17 प्रो मॅक्सची किंमत 1,49,900 रुपयांवरून 1,39,990 रुपयांपर्यंत कमी केली आहे. एक्सचेंज ऑफर्स आणि कॅशबॅकचा पूर्ण फायदा घेतल्यास हा फोन 71,990 रुपयांना मिळू शकतो, असे रिलायन्स डिजिटलने स्पष्ट केले आहे.

ऑफर्ससाठी काही अटी लागू

ग्राहकांनी एक गोष्ट लक्षात ठेवली पाहिजे की, या सर्व 'प्रभावी किंमती' (Effective Prices) आहेत. प्रत्येकाला याच किंमतीत फोन मिळेल असे नाही. कंपनीने प्रो मॉडेल्सच्या हिशेबात, जुन्या आयफोन 15 प्रो ला 55,000 रुपयांची एक्सचेंज व्हॅल्यू मिळेल असे गृहीत धरले आहे. प्रत्यक्ष एक्सचेंज व्हॅल्यू तुमच्या जुन्या फोनचे मॉडेल आणि त्याच्या स्थितीवर अवलंबून असेल. बँक कॅशबॅकसाठीही काही अटी लागू आहेत. त्यामुळे तुम्ही फोन खरेदी करण्यापूर्वी एक्सचेंज व्हॅल्यू आणि बँक ऑफर्स तपासूनच अंतिम निर्णय घेणे योग्य राहील.