Bank Holiday : उद्या बँकेची कामं आहेत? पण तुमच्या शहरात बँक सुरु आहे का ? वाचा सविस्तर
RBI बँकेच्या सुट्टीच्या यादीनुसार उद्या म्हणजेच 20 मे रोजी पाचव्या टप्प्यातील लोकसभा निवडणुकीसाठी मतदान होत आहे. यासाठी अनेक शहरातील बँक बंद राहणार आहे.
Ankita Kothare
मे 2024 मध्ये बँक हॉलिडे: देशातील 18 व्या लोकसभा निवडणुका 2024 पार पडत आहेत. 20 मे रोजी होणाऱ्या पाचव्या टप्प्यातील मतदानासाठी आरबीआयने सुट्टी जाहीर केली आहे. यामधे देशातील सहा राज्य आणि दोन केंद्रशासित प्रदेश असून 49 मतदारसंघांमधील तब्बल 695 उमेदवार आहेत. मतदानाच्या दिवशी त्या राज्ये/शहरांमधील बँका बंद घोषित करण्यात आल्या आहेत. लोकसभेच्या पाचव्या टप्प्यातील मतदान ओडिशा, उत्तर प्रदेश, झारखंड, लडाख, पश्चिम बंगाल, महाराष्ट्र, बिहार आणि जम्मू-काश्मीरमध्ये होणार आहे.
लोकसभा निवडणूक 2024 साठी सरकारी सुट्ट्या :
लोकसभा सार्वत्रिक निवडणूक 2024 मध्ये जास्तीत जास्त लोकांनी मतदान करता यावे यासाठी महाराष्ट्र सरकारने राज्यातील सर्व कर्मचाऱ्यांना निवडणुकीच्या दिवशी एक दिवसाची पगारी सुट्टी जाहीर केली आहे.मागील निवडणुकांमध्ये असे निदर्शनास आले आहे की आस्थापना त्यांच्या कर्मचाऱ्यांना मतदानाच्या रजा देत नाहीत. मतदानाचा अधिकार हा नागरिकांच्या राज्याचा मुलभूत अधिकार असल्याने सर्व संस्था आणि आस्थापनांना पगारी रजा जाहीर करण्याचे निर्देश दिले आहेत आणि त्यासाठीची व्यवस्था देखील केली आहे. जे विशेष किंवा अत्यावश्यक कर्तव्यांवर आहेत त्यांच्यासाठी तीन तासांचे अंतर," राज्य उद्योग आणि कामगार विभागाने यापूर्वी जारी केले आहे .
या राज्ये आणि केंद्रशासित प्रदेशांमध्ये 2024 च्या लोकसभा निवडणुका :
2024 च्या लोकसभा निवडणुकीचा पाचवा टप्पा ओडिशा, बिहार, झारखंड, महाराष्ट्र, उत्तर प्रदेश, पश्चिम बंगाल, जम्मू-काश्मीर आणि लडाखमध्ये होणार आहे.
मे महिन्यात बँकेला सुट्टी :
सुट्ट्यांसाठी मे महिन्यात बँक बंद राहतील - महाराष्ट्र दिन/मे दिवस (कामगार दिन), लोकसभा सार्वत्रिक निवडणूक 2024, रवींद्रनाथ टागोर यांचा जन्मदिन, बसव जयंती/अक्षय तृतीया, लोकसभा सार्वत्रिक निवडणूक 2024, राज्य दिन, बुद्ध पौर्णिमा आणि नजरुल जयंती.
महाराष्ट्रात या शहरांमध्ये बँकेला सुट्टी :
20 मे रोजी धुळे, दिंडोरी, नाशिक, भिवंडी, कल्याण, ठाणे, मुंबई उत्तर, मुंबई उत्तर पश्चिम, मुंबई उत्तर पूर्व, मुंबई दक्षिण, मुंबई दक्षिण मध्य, मुंबई उत्तर मध्य आणि पालघर लोकसभा जागांवर मतदान होणार आहे.
देशातील या लोकसभा मतदार संघात होणार मतदान :
सोमवारी महाराष्ट्रातील १३, उत्तर प्रदेशातील १४, पश्चिम बंगालमधील सात, बिहारमधील पाच, झारखंडमधील तीन, ओडिशातील पाच आणि जम्मू-काश्मीर आणि लडाखमधील प्रत्येकी एका जागेवर मतदान होणार आहे. ओडिशातील 35 विधानसभा मतदारसंघातही प्रचार संपला आहे, जिथे बीजेडीचे अध्यक्ष आणि मुख्यमंत्री नवीन पटनायक हे उमेदवार आहेत.
)
)
)
)