Kitchen Tips: शिळी झालेली बिर्याणी चव न बिघडवता गरम करण्याचे अनेक मार्ग आहेत. मायक्रोवेव्ह ओव्हनशिवाय पारंपरिक पद्धती वापरून बिर्याणी गरम केल्यास ती पुन्हा ताजी आणि चविष्ट लागते.
बिर्याणी हा अनेकांसाठी आवडीचा पदार्थ आहे. मसाले, तांदूळ आणि मटण एकत्र शिजवून तयार होणारी ही डिश चवीला अप्रतिम लागते. आजकाल चिकन, बकरी आणि कोकरू अशा वेगवेगळ्या मांसाचा वापर करून बिर्याणी तयार केली जाते.
25
बिर्याणी कशी गरम करायची?
कधीकधी पोटभर खाऊनही बिर्याणी उरते. पण थंडगार बिर्याणी खायला बहुतेक जण टाळाटाळ करतात, कारण तिची चव पूर्णपणे बदललेली असते. मात्र, योग्य पद्धतीने गरम केल्यास बिर्याणीची चव अजिबात कमी होत नाही. चला तर मग, बिर्याणी गरम करण्याच्या काही सोप्या पद्धती पाहूया.
35
बिर्याणी गरम करण्याची पद्धत
सुरुवातीला बिर्याणी एका स्वच्छ भांड्यात काढा. गॅसवर एक मोठं आणि पसरट पातेलं ठेवा. आता या पातेल्याच्या तळाशी थोडं पाणी घाला. त्यानंतर पातेल्यात एक छोटा स्टँड ठेवा. या स्टँडवर बिर्याणीचं भांडं ठेवून त्यावर झाकण ठेवा. मंद आचेवर पाच मिनिटं वाफ दिल्यास गरमागरम बिर्याणी तयार होईल. या पद्धतीने बिर्याणी तळाला लागत नाही.
इडली कुकरमध्येही तुम्ही बिर्याणी गरम करू शकता. इडली बनवताना जसं आपण करतो, तसंच आधी कुकरच्या तळाशी पाणी घाला. त्यावर इडलीची प्लेट ठेवा. नंतर या प्लेटवर बिर्याणी ठेवून झाकण लावा आणि पाच मिनिटं वाफ द्या. वाफेमुळे बिर्याणीची चव आणखी वाढते.
55
केळीचं पान किंवा कॉटनचं कापड
थंड झालेली बिर्याणी केळीच्या पानात गुंडाळून, जशा आपण पातोळ्या किंवा मोदक उकडतो, तशाप्रकारे वाफेवर गरम करू शकता. किंवा एका सुती कापडात बिर्याणी टाकून, ते घट्ट बांधून इडली कुकरमध्येही सहज गरम करता येते. ग्रामीण भागांमध्ये या दोन्ही पद्धती वापरल्या जातात.
