AC Tips: उकाड्याने हैराण झालात आणि दिवस-रात्र एसी सुरू असतोय का? काळजी करू नका. काही सोप्या टिप्स वापरल्या, तर एसी कितीही चालला तरी वीज बिल नियंत्रणात ठेवता येतं. कसं तेच जाणून घेऊया.
‘काय हा उन्हाळा... सूर्य जणू आपल्याच मागे लागलाय’... सध्या आपल्या सगळ्यांच्या मनात हेच सुरू आहे. बाहेर गेलं तर ऊन, घरात बसलं तर उकाडा. एसी लावला तर वीज बिलाची भीती. पण आता ही चिंता सोडा. दिवसभर एसी चालवूनही वीज बिल कमी आणण्यासाठी काही स्मार्ट टिप्स आहेत. त्या फॉलो केल्या की झालं.
27
1. एसी 24°C ते 26°C तापमानात वापरा
खूप लोक एसी 16°C किंवा 18°C वर ठेवल्यास खोली लवकर थंड होते असं समजतात. पण ते चुकीचं आहे. एसी 24°C ते 26°C तापमानात वापरणं आपल्या शरीरासाठी आणि खिशासाठीही चांगलं आहे. तुम्ही तापमान एक डिग्रीने वाढवल्यास 6% वीज वाचते. तापमान कमी केल्यास विजेचा वापर वाढतो आणि बिलही वाढतं.
37
2. सीलिंग फॅन कमी स्पीडवर लावा.
एसी सुरू असताना, छताचा पंखा (सीलिंग फॅन) कमी स्पीडवर लावा. यामुळे एसीमधून येणारी थंड हवा खोलीच्या कानाकोपऱ्यात पसरायला मदत होते. त्यामुळे खोली लवकर थंड होते आणि एसीच्या कंप्रेसरवरचा भार कमी होतो. मग वीज बिलही कमी होतं, नाही का?
खिडक्या किंवा दारांमधून थेट सूर्यप्रकाश खोलीत आला, तर एसी कितीही चालला तरी खोली थंड करणं कठीण होतं. त्यामुळे, जाड पडदे किंवा हीट रिफ्लेक्टिव्ह फिल्म वापरा. यामुळे खोलीत येणारी उष्णता 30% पर्यंत कमी करता येते. हे एसीवरचा दाब कमी करून वीज वाचवतं.
57
4. एसीचा फिल्टर स्वच्छ ठेवणं गरजेचं
तुम्ही एसीची जेवढी चांगली देखभाल कराल, तेवढं चांगलं तो काम करेल. विशेषतः, एसीचा फिल्टर स्वच्छ ठेवणं गरजेचं आहे. त्यात धूळ जमा झाल्यास, हवा बाहेर फेकण्यासाठी एसी जास्त शक्ती वापरतो. यामुळे विजेचा खर्च वाढतो. दर 15 दिवसांनी तुम्ही स्वतः फिल्टर काढून, पाण्याने धुवून परत लावू शकता. प्रत्येक वर्षी उन्हाळा सुरू होण्यापूर्वी एसीची सर्व्हिसिंग करून घ्या.
67
5. खोलीतल्या फटी बंद करा
खोलीच्या दाराच्या किंवा खिडकीच्या फटीतून थंड हवा बाहेर जातेय का? छोटीशी फट असली तरी, ती तुमच्या वीज बिलात मोठा खड्डा पाडू शकते. डोअर सील किंवा कापडाने ती फट बंद करा. यामुळे थंड हवा खोलीतच खेळती राहील.
77
6.रात्री झोपताना एसीमधील 'स्लीप मोड ऑन करा
रात्री झोपताना एसीमधील 'स्लीप मोड' (Sleep Mode) ऑन करा. हा मोड प्रत्येक तासाला तापमान हळूहळू वाढवतो. यामुळे, पहाटेच्या वेळी एसी विनाकारण चालणं थांबतं... आणि वीजही वाचते.
