Kitchen Tips: नवीन फ्रिज घ्यायचा विचार करताय? मग फक्त बजेटचा विचार करून चालणार नाही! सिंगल डोअर आणि डबल डोअर फ्रिजमध्ये नेमका काय फरक असतो, त्यांचे फायदे-तोटे काय आहेत, हे समजून घ्या.
आजकाल प्रत्येक घरात फ्रिज ही एक गरजेची वस्तू झाली आहे. त्यातल्या त्यात कडक उन्हाळ्यात थंड पाणी, ताज्या भाज्या आणि पदार्थ टिकवण्यासाठी फ्रिज हवाच. पण नवीन फ्रिज घेताना सिंगल डोअर घ्यावा की डबल डोअर, हा गोंधळ हमखास होतो. तुमच्या घराच्या गरजेनुसार योग्य निर्णय कसा घ्यायचा, याची माहिती इथे देत आहोत.
25
सिंगल डोअर फ्रिज
भारतात मध्यमवर्गीय कुटुंबांमध्ये सिंगल डोअर फ्रिज जास्त लोकप्रिय आहेत. हे फ्रिज 'डायरेक्ट कूल' टेक्नॉलॉजीवर चालतात, त्यामुळे वीज खूप कमी वापरतात. यांची किंमत ₹10,000 ते ₹18,000 पर्यंत असल्यामुळे बजेटचा विचार करणाऱ्यांसाठी हा एक चांगला पर्याय आहे. 2 ते 3 सदस्य असलेल्या छोट्या कुटुंबासाठी हा पुरेसा असतो. पण, यात जागा कमी असते आणि फ्रीझरमध्ये बर्फ जमा झाल्यावर तो 'मॅन्युअली डीफ्रॉस्ट' करावा लागतो. हल्लीच्या काही मॉडेल्समध्ये बर्फ आपोआप वितळवण्यासाठी बटण सिस्टीम आलेली आहे.
35
डबल डोअर फ्रिज
डबल डोअर फ्रिजमध्ये 'फ्रॉस्ट-फ्री' टेक्नॉलॉजी असते. म्हणजेच, यात बर्फ जमा होण्याची समस्या नसते. 4 ते 6 सदस्य असलेल्या मोठ्या कुटुंबांसाठी हा फ्रिज खूप सोयीस्कर आहे. मोठी भांडी आणि जास्त भाज्या ठेवण्यासाठी यात भरपूर जागा असते. फ्रीझर आणि फ्रिजसाठी वेगवेगळे दरवाजे असल्याने कुलिंग जास्त प्रभावी ठरते. पण यांची किंमत आणि वीज बिल सिंगल डोअरच्या तुलनेत थोडे जास्त असते.
तुम्ही कोणताही फ्रिज घ्या, पण 3-स्टार किंवा 5-स्टार रेटिंग असलेलं मॉडेल निवडणं जास्त चांगलं. सध्या बाजारात 'डिजिटल इन्व्हर्टर' टेक्नॉलॉजी असलेले फ्रिज उपलब्ध आहेत, जे आवाज कमी करतात आणि वीजही वाचवतात. 'कन्व्हर्टिबल मोड'ची सोय असेल, तर गरजेनुसार तुम्ही फ्रीझरला सामान्य फ्रिजमध्ये बदलू शकता.
55
योग्य मॉडेलकडे लक्ष द्या
थोडक्यात सांगायचं तर, तुमचं बजेट आणि कुटुंबातील सदस्यांची संख्या लक्षात घेऊन फ्रिजची निवड करा. योग्य मॉडेल निवडल्यास तुमचे अन्नपदार्थ ताजे तर राहतीलच, पण विजेचं बिलही नियंत्रणात राहील.
