Summer Car Care: उन्हाळा चांगलाच तापलाय. बाहेर पाऊल ठेवायचीही भीती वाटतेय. पण हा कडक उन्हाळा फक्त माणसंच नाही, तर तुमच्या गाड्यांसाठीही धोकादायक आहे. तुम्हीही तुमची कार उन्हात पार्क करत असाल, तर हे मुद्दे नक्की जाणून घ्या.
उन्हात पार्क केलेली कार अक्षरशः भट्टी बनते. बाहेर तापमान 35°C असेल, तर कारच्या आत ते 55-65°C पर्यंत पोहोचू शकतं. हे लहान मुलं आणि ज्येष्ठांसाठी धोकादायक ठरू शकतं.
25
कारचा रंग फिका पडतो
सूर्यकिरणांमधील अल्ट्राव्हायोलेट (UV) किरणं थेट कारच्या पेंटवर परिणाम करतात. यामुळे हळूहळू रंग फिका पडतो, गाडीची चमक कमी होते आणि पेंटचा वरचा थर खराब होतो. काही काळातच गाडी जुनी दिसू लागते.
35
कारच्या इंटीरियरचं नुकसान
कारच्या आतील भाग प्लास्टिक, लेदर किंवा फॅब्रिकने बनलेले असतात. उष्णतेमुळे डॅशबोर्डला तडे जातात, लेदर सीट कडक होऊन फाटतात आणि फॅब्रिक सीटचा रंग उतरतो. शिवाय, गाडीतील हवा गरम आणि कोंदट होते.
जास्त तापमानाचा परिणाम कारच्या महत्त्वाच्या भागांवरही होतो. बॅटरीमधील लिक्विड लवकर सुकतं, ज्यामुळे बॅटरीचं आयुष्य कमी होतं. इंजिन ऑईल आणि कूलंटची कार्यक्षमताही घटते. यामुळे गाडीच्या परफॉर्मन्सवर परिणाम होऊन सर्व्हिसिंगचा खर्च वाढू शकतो.
55
रबरी पार्ट्स लवकर खराब होतात
उष्णतेमुळे वायपर ब्लेड्स, डोअर सील्स आणि टायरसारखे रबरी भाग कडक होऊन तुटतात. त्यामुळे ते वारंवार बदलावे लागतात. म्हणून शक्यतो गाडी सावलीत पार्क करा. कार कव्हर वापरा किंवा सनशेड्स लावून आतील उष्णता कमी करा. या छोट्या उपायांमुळे तुमच्या कारचं आयुष्य वाढेल आणि खर्चही वाचेल.
