Kitchen Tips: इडली पिठात टाका फक्त हे एक पान, आठवडाभर पीठ आंबट होणार नाही!

Kitchen Tips: उन्हाळ्यात इडली-डोशाचं पीठ लवकर आंबट होतंय? फ्रिजमध्ये ठेवूनही ते ताजं राहत नाहीये का? मग हा एक सोपा उपाय करून पाहा. यामुळे तुमचं पीठ आठवडाभर ताजं राहील. काय आहे हा उपाय आणि तो कसा करायचा जाणून घेऊयात सविस्तर

इडली पीठ

आपल्याकडे बहुतेक घरात नाश्त्याला इडली किंवा डोसा हमखास बनतो. यासाठी आपण घरीच पीठ तयार करतो. पण उन्हाळ्यात हे पीठ लवकर आंबट होतं. अशा पिठाचे पदार्थ चवीला चांगले लागत नाहीत आणि आरोग्यासाठीही ते योग्य नाहीत. तर, इडली-डोशाचं पीठ आंबट होऊ नये आणि जास्त काळ ताजं राहावं यासाठी काही सोपे उपाय जाणून घेऊया.

विड्याचं पान

इडली-डोशाचं पीठ जास्त काळ ताजं ठेवण्यासाठी तुम्हाला फक्त एक पान वापरायचं आहे. ते म्हणजे खाऊचं पान (विड्याचं पान). सगळ्यात आधी एक पान घेऊन ते पाण्याने स्वच्छ धुवा. आता या पानाला थोडं तूप लावून ते थेट पिठात ठेवा. बस्स! असं केल्याने पीठ जास्त दिवस ताजं राहतं आणि आंबट होत नाही.

विड्याचं पान कसं काम करतं?

विड्याच्या पानांमध्ये नैसर्गिकरित्या अँटी-बॅक्टेरियल गुणधर्म असतात आणि ते pH पातळी संतुलित ठेवतात. जेव्हा तुम्ही हे पान इडली किंवा डोशाच्या पिठात ठेवता, तेव्हा ते हानिकारक बॅक्टेरियाची वाढ रोखतं. यामुळे लॅक्टिक ऍसिडचं प्रमाण जास्त वाढत नाही आणि पीठ जास्त काळ ताजं राहतं. पिठाचा आंबटपणा कमी झाल्यामुळे इडल्या पिवळ्या न पडता पांढरेशुभ्र आणि मऊ होतात. हे पान पिठातील ओलावा टिकवून ठेवण्यासही मदत करतं. शिवाय, विड्याचं पान पचनासाठी खूप चांगलं मानलं जातं. पिठामध्ये ठेवल्यामुळे त्याचा हलका नैसर्गिक सुगंध इडलीला एक वेगळाच स्वाद देतो.