Child Psychology: प्रत्येक पालकांना वाटतं की आपलं मूल हुशार व्हावं आणि आयुष्यात यशस्वी व्हावं. मानसशास्त्रज्ञांच्या मते, मुलांमधील काही सवयी आणि लक्षणं त्यांच्या उज्ज्वल भविष्याकडे इशारा करतात. चला, जाणून घेऊया ही लक्षणं कोणती आहेत.
प्रत्येक पालकांना आपलं मूल हुशार आणि आत्मविश्वासू व्हावं असं वाटतं. तज्ज्ञांच्या मते, काही मुलांमध्ये लहानपणीच अशी काही खास लक्षणं दिसतात, जी त्यांच्या भविष्यातील असामान्य प्रतिभेची खूण असते. ही लक्षणं केवळ अभ्यासातच नाही, तर त्यांच्या विचार करण्याच्या पद्धतीत, वागण्यात, सर्जनशीलतेत आणि भावनांवर नियंत्रण ठेवण्यातही दिसून येतात.
26
तुमचं मूल सतत प्रश्न विचारते का?
मानसशास्त्रानुसार, तुमचं मूल जर सतत 'का?', 'कसं?', 'हे केल्यावर काय होईल?' असे प्रश्न विचारत असेल, तर समजावं की त्याचा मेंदू खूप सक्रिय आहे. अशी मुलं नवीन गोष्टी शिकण्यात नेहमी पुढे असतात.
36
नवनवीन शोध लावण्यासाठी प्रेरणा
तुमचं मूल चित्र काढणं, गोष्टी सांगणं किंवा नवीन कल्पना मांडणं यात रस दाखवत असेल, तर याचा अर्थ त्याची कल्पनाशक्ती खूप चांगली आहे. हीच सवय भविष्यात त्याला नवनवीन शोध लावण्यासाठी प्रेरणा देते.
तज्ज्ञांच्या मते, काही मुलं समस्या आल्यावर लगेच मदत मागण्याऐवजी स्वतःच उपाय शोधण्याचा प्रयत्न करतात. जे मूल समस्येवर विचार करून तोडगा काढण्याचा प्रयत्न करतं, ते भविष्यात एक स्वतंत्र विचारांचा नेता म्हणून घडतं.
56
चांगल्या नेतृत्वगुणांचा पाया
इतरांच्या भावना समजून घेणं आणि त्यांच्याबद्दल सहानुभूती दाखवणं, ही लक्षणं असलेली मुलं सामाजिक जीवनात यशस्वी होतात. हा गुण चांगल्या नेतृत्वगुणांचा पाया रचतो.
66
अपयश आल्यास पुन्हा प्रयत्न करणं
एखादं काम सुरू केल्यावर ते पूर्ण होईपर्यंत मेहनत करणं आणि अपयश आल्यास पुन्हा प्रयत्न करणं, ही लक्षणं असलेली मुलं आयुष्यात मोठं यश मिळवतात. तज्ज्ञांच्या मते, बुद्ध्यांकापेक्षा (IQ) चिकाटी आणि मेहनत करण्याची वृत्ती जास्त प्रभावी ठरते. पालकांनी ही लक्षणं ओळखून त्यांना प्रोत्साहन देणं महत्त्वाचं आहे.
