Kitchen Tips: किचनमधील सिंकजवळ या 5 वस्तू ठेवणे टाळा अन्यथा वाढेल जंतुसंसर्ग

Kitchen Tips: किचनमध्ये हाताशी असाव्यात यासाठी अनेक गोष्टी असतात. मात्र  सिंकजवळ ओलावा असल्याने काही वस्तू ठेवणे टाळावे. इलेक्ट्रिकल उपकरणे, लाकडी वस्तू, खाद्यपदार्थ आणि भांडी ठेवल्याने त्यांचे नुकसान होते, तसेच जंतुसंसर्ग आणि अपघातही होऊ शकतात.

किचन सिंकजवळ ठेवू नयेत अशा वस्तू

सिंकजवळ ओलावा असल्याने, कार्डबोर्ड बॉक्समधील क्लीनर्स ठेवू नयेत. क्लीनर्स हवेशीर आणि कोरड्या जागी ठेवणे योग्य आहे. नाहीतर ते खराब होऊ शकतात.

स्वयंपाकघरातील भांडी

सिंकजवळ भांडी ठेवल्यास, ओलावा टिकून राहतो आणि जंतू व दुर्गंधी निर्माण होते. यामुळे बुरशी आणि जंतुसंसर्ग होऊ शकतो. भांडी सुरक्षित अंतरावर ठेवा.

खराब होणारे पदार्थ

सिंकजवळ खाद्यपदार्थ ठेवणे टाळा. ओलावा आणि हवेशीर जागेच्या अभावामुळे भाज्या, फळे, बेकरी उत्पादने लवकर खराब होतात आणि त्यांना बुरशी लागू शकते.

इलेक्ट्रिक उपकरणे

सिंकजवळ इलेक्ट्रिक उपकरणे ठेवणे धोकादायक ठरू शकते. ओलाव्यामुळे मिक्सर, ओव्हनसारखी उपकरणे खराब होऊन मोठे अपघात होऊ शकतात.

लाकडी वस्तू

लाकडी वस्तू सिंकजवळ ठेवू नका. त्या ओलावा शोषून घेतात, लवकर खराब होतात आणि त्यांना बुरशी लागते. कटिंग बोर्ड, लाकडी चमच्यांबद्दल विशेष काळजी घ्या.