Jio Family Plan जिओ कंपनी फक्त ४४९ रुपयांच्या एका खास पोस्टपेड प्लॅनमध्ये 75GB डेटा, अनलिमिटेड कॉल्स आणि ३ अतिरिक्त सिम जोडण्याची सुविधा देत आहे. ज्यांना आपल्या कुटुंबासोबत एकाच प्लॅनमध्ये सर्व फायदे हवे आहेत, त्यांच्यासाठी हा एक उत्तम पर्याय आहे.
तुम्ही जर जिओचं पोस्टपेड सिम घेण्याचा विचार करत असाल आणि संपूर्ण कुटुंबासाठी एकच प्लॅन शोधत असाल, तर जिओचा हा खास फॅमिली प्लॅन तुमच्यासाठी एक भारी पर्याय ठरू शकतो. फक्त ४४९ रुपयांमध्ये कॉलिंग, डेटा आणि इंटरनेट सेवा देणारा हा प्लॅन अनेक आकर्षक ऑफर्ससह येतो. हा प्लॅन खास कुटुंबाचा विचार करून तयार केला आहे. यात एकाच अकाउंटवर अनेक कनेक्शन्स जोडण्याची सोय आहे. चला, या जिओ फॅमिली प्लॅनची वैशिष्ट्ये सविस्तर जाणून घेऊया.
25
जिओच्या फॅमिली प्लॅनमध्ये काय काय मिळतं?
जिओच्या ४४९ रुपयांच्या पोस्टपेड प्लॅनमध्ये तुम्हाला महिन्याला ७५ जीबी हाय-स्पीड डेटा मिळतो. ही डेटा लिमिट संपल्यानंतर वापरलेल्या प्रत्येक १ जीबी डेटासाठी १० रुपये आकारले जातात. याशिवाय, सर्व नेटवर्कवर अनलिमिटेड व्हॉईस कॉलिंग आणि दररोज १०० एसएमएस करण्याची सुविधाही या प्लॅनमध्ये मिळते.
35
३ अतिरिक्त सिम जोडण्याची सुविधा
या प्लॅनचं सर्वात मोठं वैशिष्ट्य म्हणजे 'फॅमिली ॲड-ऑन' सुविधा. यामुळे, तुम्ही तुमच्या मुख्य कनेक्शनसोबत आणखी ३ सिम जोडू शकता. म्हणजेच, एकाच बिलावर एकूण ४ सिम वापरता येतात. मात्र, प्रत्येक अतिरिक्त सिमसाठी तुम्हाला दरमहा १५० रुपये जास्त द्यावे लागतील. तसेच, प्रत्येक ॲड-ऑन कनेक्शनसाठी ५ जीबी अतिरिक्त डेटाही दिला जातो.
डेटा आणि कॉलिंगसोबतच, या प्लॅनमध्ये तुमच्या मनोरंजनाचीही पूर्ण काळजी घेतली आहे. या प्लॅनच्या ग्राहकांना ३ महिन्यांसाठी JioHotstar चं सबस्क्रिप्शन एकदम मोफत मिळतं. यामुळे तुम्ही चित्रपट, वेब सीरिज, टीव्ही शो आणि लाईव्ह स्पोर्ट्सचा आनंद घेऊ शकता.
55
Google Gemini Pro आणि क्लाउड स्टोरेज मोफत
या पोस्टपेड प्लॅनमध्ये १८ महिन्यांसाठी Google Gemini Pro चं सबस्क्रिप्शनही मोफत दिलं जातं. इतकंच नाही, तर 2TB पर्यंत क्लाउड स्टोरेजची सुविधाही मिळते. यात तुम्ही तुमचे फोटो, व्हिडिओ आणि महत्त्वाच्या फाईल्स सुरक्षितपणे सेव्ह करून ठेवू शकता. थोडक्यात सांगायचं तर, ज्या कुटुंबांना एकाच प्लॅनमध्ये भरपूर डेटा, अनलिमिटेड कॉल्स, फॅमिली ॲड-ऑन, JioHotstar, Google Gemini Pro आणि 2TB क्लाउड स्टोरेज असे सगळे फायदे हवे आहेत, त्यांच्यासाठी जिओचा ४४९ रुपयांचा हा पोस्टपेड फॅमिली प्लॅन एक जबरदस्त पर्याय आहे.
