iQOO Neo 11 Ultra : 9100mAh बॅटरी, 50MP कॅमेरासह येतोय नवा फोन; फीचर्स एकदा बघाच

iQOO Neo 11 Ultra हा स्मार्टफोन 18 ऑगस्ट रोजी लाँच होणार आहे. लाँच होण्यापूर्वीच याचे स्पेसिफिकेशन्स लीक झाले आहेत. या फोनमध्ये 9100mAh ची दमदार बॅटरी, 2K डिस्प्ले आणि डायमेन्सिटी 9500M चिपसेट मिळणार आहे.

9100mAh बॅटरीसह येतोय iQOO Neo 11 Ultra

स्मार्टफोनप्रेमी ज्याची आतुरतेने वाट पाहत आहेत, त्या iQOO Neo 11 Ultra च्या लाँचची तारीख ठरली आहे. हा नवीन फोन 18 ऑगस्ट रोजी संध्याकाळी 7:00 वाजता चीनमध्ये अधिकृतरित्या लाँच होणार आहे. iQOO ने आपल्या निओ सीरिजमध्ये 'प्रो' ऐवजी पहिल्यांदाच 'अल्ट्रा' हे नाव वापरले आहे.

9,100mAh ची मोठी बॅटरी, 100W फास्ट चार्जिंग सपोर्ट

या फोनमध्ये 9,100mAh ची मोठी बॅटरी आहे, जी 100W फास्ट चार्जिंगला सपोर्ट करते. कंपनीच्या निओ सीरिजमधील ही आतापर्यंतची सर्वात मोठी बॅटरी आहे. फोनचे वजन 225 ग्रॅम आहे.

2K OLED डिस्प्ले, पॉवरफुल डायमेन्सिटी चिपसेट

गेमिंग आणि मनोरंजनासाठी यात 6.83-इंचाचा 2K OLED डिस्प्ले दिला आहे. हा डिस्प्ले मीडियाटेक डायमेन्सिटी 9500M चिपसेटमुळे अधिक स्मूथ अनुभव देईल.

कॅमेरा, स्टोरेज व्हेरिएंट्स आणि डिझाइनची माहिती

फोटोग्राफीसाठी यात OIS सपोर्टसह 50MP चा मुख्य कॅमेरा आहे. हा फोन लाईट व्हाईट, शॅडो ब्लॅक आणि विंड चेझर या तीन रंगांमध्ये आणि पाच स्टोरेज पर्यायांमध्ये उपलब्ध असेल.

10,000mAh बॅटरीसह येणार iQOO Z11S

Neo 11 Ultra सोबतच कंपनी iQOO Z11S हा फोनही लाँच करत आहे. विशेष म्हणजे, यात तब्बल 10,000mAh क्षमतेची बॅटरी असणार आहे. यात 144Hz रिफ्रेश रेट असलेली स्क्रीन आहे.