Independence Day 2025 : स्वातंत्र्यदिनानिमित्त कडक ५ भाषणे, आत्मविश्वास करतील द्विगुणित
मुंबई - भारताच्या स्वातंत्र्य दिनाला अपघे काही दिवस राहिले आहेत. त्यामुळे शाळा, कॉलेज, शासकीय कार्यालये, खासगी प्रतिष्ठाने, सोसायटी येथे भाषणांची तयारी सुरु झाली आहे. या निमित्त आम्ही आपल्यासाठी घेऊन आलोय, निवडक ५ भाषणे.. जाणून घ्या…
सुप्रभात! सर्वप्रथम, आजच्या या पवित्र दिवशी आपण आपल्या देशाच्या स्वातंत्र्यासाठी बलिदान दिलेल्या सर्व थोर स्वातंत्र्यसैनिकांना मनापासून अभिवादन करूया. १५ ऑगस्ट १९४७ हा दिवस भारतीय इतिहासातील सुवर्णक्षण आहे. अनेक वर्षांच्या संघर्षानंतर भारताने ब्रिटिश सत्तेपासून स्वातंत्र्य मिळवले.
महात्मा गांधी, नेताजी सुभाषचंद्र बोस, भगतसिंग, लोकमान्य टिळक, डॉ. बाबासाहेब आंबेडकर, पंडित नेहरू या थोर व्यक्तींनी भारताच्या स्वातंत्र्यासाठी आपले संपूर्ण आयुष्य समर्पित केले. त्यांनी सत्याग्रह, असहकार चळवळ, दांडी यात्रा, क्रांतीकारक कारवाया अशा विविध मार्गांनी ब्रिटिश साम्राज्याला हादरवून टाकले.
स्वातंत्र्य ही केवळ एक स्थिती नसून ती एक जबाबदारी आहे. आज आपण स्वातंत्र्याचा आनंद घेत असलो तरी, त्यामागे असंख्य बलिदानांची कथा आहे. ही कहाणी केवळ इतिहास नसून, आपल्याला प्रेरणा देणारा दीपस्तंभ आहे.
आज आपल्याला लोकशाही, मतदानाचा अधिकार, शिक्षण, संधी यांचा लाभ मिळतो. परंतु, याच स्वातंत्र्याचा अर्थ आपण जर जबाबदारीने घेत नाही, तर हे मूल्यहीन ठरू शकते.
म्हणूनच, आजच्या पिढीला हे समजले पाहिजे की स्वातंत्र्य हे केवळ झेंडा फडकवण्यापुरते मर्यादित नाही, तर ते गरिबी, अंधश्रद्धा, भ्रष्टाचार यांसारख्या शत्रूंशी लढण्याची प्रेरणा देणारे आहे.
या दिवशी आपण सर्वांनी ही प्रतिज्ञा करूया की देशासाठी सदैव प्रामाणिक राहू, संविधानाचे पालन करू, सामाजिक एकतेसाठी प्रयत्न करू आणि आपले कर्तव्य प्रामाणिकपणे पार पाडू.
जय हिंद! वंदे मातरम्!