Hyundai Venue झाली लॉन्च, Tata Maruti Kia Mahindra Skoda च्या या 5 कारला देणार कडवी टक्कर!

Hyundai Venue will compete with five cars : भारतात लाँच झालेली नवीन स्टायलिश Hyundai Venue, नवीन डिझाइन आणि आकर्षक फीचर्ससह आली आहे. ही एसयूव्ही Tata, Kia, Maruti, Mahindra आणि Skoda या कंपन्यांच्या या कारशी स्पर्धा करेल.

नवीन ह्युंदाई वेन्यूचे तगडे स्पर्धक

नवीन ह्युंदाई वेन्यू ४ नोव्हेंबरला भारतात लाँच झाली. ही छोटी SUV नवीन डिझाइन, प्रीमियम इंटीरियर आणि अनेक अपडेटेड फीचर्ससह आली आहे. ही टाटा, स्कोडा, महिंद्रा, मारुती आणि किया यांच्या SUV शी स्पर्धा करेल. नवीन Hyundai Venue या कारची एक्स-शोरूम किंमत 7.90 लाख रुपयांपासून सुरू होते.

टाटा नेक्सॉन

२०१८ मध्ये ग्लोबल NCAP सेफ्टी रेटिंगमध्ये ५-स्टार मिळवणारी टाटा नेक्सॉन ही भारतातील पहिली कार आहे. नवीन मॉडेलमध्ये आता अधिक फीचर्स आहेत आणि तिची किंमत ₹७.३२ लाख ते ₹१४.०५ लाख (एक्स-शोरूम) आहे.

किया सिरोस

किया सिरोस ही सोनेट आणि सेल्टोस यांच्यामध्ये स्थान असलेली नवीन सब-कॉम्पॅक्ट एसयूव्ही आहे. तिची एक्स-शोरूम किंमत ८.६७ लाख रुपयांपासून सुरू होते. ही कियाच्या 'डिझाइन २.०' फिलॉसॉफीवर आधारित आहे. यात सोनेटचेच इंजिन आहे.

मारुती सुझुकी ब्रेझा

ब्रेझा ही मारुतीची सर्वाधिक विकली जाणारी छोटी एसयूव्ही आहे. तिची एक्स-शोरूम किंमत ८.२५ लाख रुपयांपासून सुरू होते. ही पेट्रोल आणि सीएनजी पर्यायांमध्ये उपलब्ध आहे.

महिंद्रा XUV 3XO

महिंद्राने आधीच्या XUV300 च्या जागी महिंद्रा XUV 3XO आणली आहे. तिची एक्स-शोरूम किंमत ७.२८ लाखांपासून सुरू होते. ही तीन इंजिन पर्यायांमध्ये उपलब्ध आहे.

स्कोडा कायलाक

कायलाक ही स्कोडाची नवीन छोटी एसयूव्ही आहे. तिची एक्स-शोरूम किंमत ७.५४ लाख रुपयांपासून सुरू होते. यात कंपनीची 'मॉडर्न सॉलिड' डिझाइन लँग्वेज, स्प्लिट एलईडी हेडलाइट्स आणि १७-इंच अलॉय व्हील्स आहेत.