शेअर बाजारात सध्या चढ-उतार दिसत असले तरी, लॉंग टर्ममध्ये मोठी रक्कम उभी करण्यासाठी अनेक जण म्युच्युअल फंडातील SIP चा मार्ग निवडतात. नियमित गुंतवणुकीतून तुम्ही निवृत्तीसाठी किंवा इतर मोठ्या आर्थिक ध्येयांसाठी निधी जमा करू शकता.
अनेक गुंतवणूकदारांचं १ कोटी रुपयांचा फंड तयार करण्याचं स्वप्न असतं. पण हे ध्येय गाठण्यासाठी दर महिन्याला किती रुपयांची SIP करावी लागेल? नियमित गुंतवणुकीतून निवृत्तीसाठी किंवा इतर मोठी आर्थिक ध्येये पूर्ण करणं शक्य आहे.
26
एसआयपीमधून रिटर्न्स
समजा, म्युच्युअल फंडातून तुम्हाला लॉंग टर्ममध्ये सरासरी १२% वार्षिक परतावा मिळतोय. या हिशोबाने, तुम्ही २० वर्षांसाठी दरमहा १०,००० रुपयांची SIP केल्यास तुमची एकूण गुंतवणूक २४ लाख रुपये होईल. १२% वार्षिक परतावा गृहीत धरल्यास, २० वर्षांनंतर या गुंतवणुकीचं मूल्य सुमारे ९१.९९ लाख रुपये होऊ शकतं. म्हणजेच, तुम्हाला गुंतवणुकीवर अंदाजे ६७.९९ लाख रुपयांचा नफा मिळू शकतो.
36
कोट्यावधी रुपयांच्या फंडासाठी काय करावे?
जर तुम्हाला १५ वर्षांत सुमारे १ कोटी रुपयांचा फंड तयार करायचा असेल, तर तुम्हाला दरमहा २०,००० रुपयांची SIP करावी लागेल. १५ वर्षांत तुमची एकूण गुंतवणूक ३६ लाख रुपये होईल. १२% वार्षिक परतावा गृहीत धरल्यास, या गुंतवणुकीचं मूल्य सुमारे ९५.१९ लाख रुपये होऊ शकतं. म्हणजेच, परताव्यामधून अंदाजे ५९.१९ लाख रुपये येऊ शकतात.
SIP सोबत दरवर्षी गुंतवणुकीची रक्कम वाढवल्यास, म्हणजेच स्टेप-अप SIP केल्यास, तुमचं ध्येय आणखी लवकर पूर्ण होऊ शकतं. तुम्ही दरमहा १०,००० रुपयांनी SIP सुरू करून दरवर्षी गुंतवणुकीत १०% वाढ केल्यास, सुमारे १३ वर्षांतच १ कोटी रुपयांचा फंड तयार होऊ शकतो.
56
कमी पैशांत करू शकता सुरुवात
अगदी ५,००० रुपयांच्या मासिक SIP ने सुरुवात करून आणि दरवर्षी त्यात १०% वाढ केल्यास, सुमारे १५ वर्षे आणि काही महिन्यांत तुम्ही १ कोटी रुपयांच्या ध्येयापर्यंत पोहोचू शकता.
66
एसआयपीमध्ये गुंतवणूक
मात्र, एक गोष्ट लक्षात ठेवणं महत्त्वाचं आहे की म्युच्युअल फंडातील परतावा पूर्णपणे बाजारातील कामगिरीवर अवलंबून असतो. १२% परतावा हा निश्चित किंवा गॅरंटीड नसतो. त्यामुळे कोणतीही गुंतवणूक करण्यापूर्वी तुमची आर्थिक ध्येयं आणि जोखीम घेण्याची क्षमता नक्की तपासा.
